(Dili) Mudansa-Kompañia Arquires-Ajensia Dezenvólvimentu Nasionál Institutu Públiku (ADN), ho Governu entrega hikas obra rehabílitasaun Igreja Katedrál bá Igreja lokál.
Amu Bispu Dom-Virgílio Cardeal do Carmo da Silva SDB,hateten, kontenti bele halibur hamutuk iha ne’e primeiru hahú ho Igreja Katedrál ofisiálmente rehabílitasaun Katedrál ne’e hosi Kompañia entrega bá iha Agensia Dezenvolvimentu Nasional.Institutu Públiku (ADN sigla Portugés) depois hosi ADN bá iha Governu no mai iha Uma-Kreda.
“Lori Uma-Kreda nia naran la’os Dili de’it,maibé Uma-Kreda Timor-Leste, tanbá iha ida ne’e iha loron 10/08/2024, dadeer hosi tuku 09 to’o tuku 10 Otl, Amu Papa sei mai iha ne’e atu hasoru malu ho Bispu sira, Padre Madre, Katakista, Seminaristas iha Katedrál,tanbá razaun ida ne’e mak ho Governu nia laran luak ne’ebé hakas an iha fulan neen (6) nia laran ohin ita haree Igreja Katedrál sai oin seluk tiha, ne’e duni agradese bá IX-Governu Primieiru Ministru ne’ebé ho laran luak Ministru Estatál Kompañia ho ADN,Kalan ida ne’e ita kontenti ita bele halibur hamutuk iha ne’e primeiru hahú ho Igreja Katedrál ofisiálmente rehabílitasaun Katedrál ne’e hosi Kompañia entrega bá iha Agensia Dezenvolvimentu Nasional.Institutu Públiku (ADN sigla Portugés) depois hosi ADN bá iha Governu no mai iha Uma-Kreda,” Dehan Amu Bispu Dom-Virgílio Cardeal do Carmo da Silva SDB, bá Jornálista iha Katedrál Segunda-Feira (12/08/24)
Amu Kardeal ne’e akresenta,Ohin kalan ne’e ita haree Igreja Katedrál nabílan duni fulan ida ne’e ema hotu mai iha ne’e sei haree bele dehan katak 97.5 % Katóliku Katedrál mak hanesan uma inan uma lisan sarani ninian ne’ebé senti kontenti bainhira rehabílita Igreja katedrál ida ne’e liu-liu bá iha simu Santu-Padre.
“Ita entrega antes tiha kedas ona aban dadeer sei halo mós bensaun ida atu nune’e bele hahú fali misa iha Katedrál aban dadeer,tanbá ita hakarak atu Amu Papa bainhira mai ema hotu sei to’o mai iha loron 10 ne’e la’os mai atu horon tinta nia iis iha uma laran,maibé ita hakarak duni Amu Papa mai horon duni sarani sira nia iis, Amu Papa sempre dehan iis bibi fulun nia hakarak tama mai nu’udar bibi atan ida nia hakarak senti duni ida ne’e lós duni ita hakarak halo furak buat sira ne’e hotu ne’e duni hakarak hasoru malu ida ne’e ho Kristu ninian iha fatin ida ne’e,” Amu Kardeal Esplika
Amu Kardel afirma, loke antes atu fulan ida ne’e nia laran sei entrega ona bá Amu paroquia sarani Katedrál atu uza,maibé husu nafatin bá iha Amu Paroquia Amu Vigário ho nia konsellu sira,sarani tomak hakas an naftin atu halo fatin ida ne’e mós no di’ak.
“Hanesan ohin ita simu to’o loron 10 fulan setembru tinan 2024,akarak husu mós bá sarani liu-liu bá kiikoan sira, foinsa’e sira Katedrál komesa loke fila-fali bá oin ne’e hadi’ak hotu kedas tinta, duut sira komesa matak husu atu ema hotu hanesan ohin ha’u dehan Amu Papa mai susesu vizita ne’e la depende bá iha Governu no Igreja bá iha komisaun,maibé ita hotu sarani ida-idak ho ita hotu nia kolaborasaun no kontribuisaun mak sei halo vizita Amu Papa nian ne’e,” Tenik Amu Kardeal
Iha fatin hanesan Ministru Administrasaun Estatál (MAE) Tomas Cabral mós hateten, entrega ofisiál rehabílitasaun sira ne’ebé Governu prepara hamutuk ho Igreja Katóliku atu simu Amu Papa, pakote ida bá atividade sira ne’e hetan despaixu husi Primieiru Ministru orden rezolusaun katak prosesu ne’e sei remata antes ekipa ne’ebé atu mai halo verifikasaun.
“Ohin iha ne’e LDE ita seida’uk entrega depois Amu Paroquia sira prepara fali karta ida Amu Kardeal mak sei assina haruka bá komisaun konjunta depois ami sei halo termu entrega,tanbá se la halo dukumentus ne’e,misa hotu sei fila-fali bá Estadu mais dukumentus ne’ebé bá Amu Kardeal mak husu ita rejistu tiha ita sei halo termu entrega,” Tenik Governante ne’e
Governante ne’e afirma,ohin obra de’it sasan sira seluk depois sei entrega tempu badak antes loron 20 fulan agostu tinan 2024.
“Amu sira ho ita sei hamutuk bá Tasi-Tolu hodi bele fó ona bensaun bá altar nune’e ita bele prepara di’ak liu tan,tanbá tempu besik tebes ona bá ita nia prepativu,atividade ne’e ita hotu nian, tanbá ne’e mak Governu nia papél atu fó apoiu tomak bá atividades ne’e, depois Governu hasai tiha despaixu númerasaun atu apoiu iha mós diploma konjunta ho Amu Kardeal,nune’e ekipa servisu hamutuk lori to’o susesu vizita Amu Papa nian mai Timor-Leste,” Nia subliña
Iha sorin seluk Diretór Ezekútivu ADN, Rui Lourenso da Costa mós hatutan, ho grasa Nain Maromak nian konsege halo hotu ona rehabílitasaun bá Igreja Katedrál.
“Ho grasa Nai Maromak nian ita konsege halo hotu ona rehabilitasaun bá Igreja Katedral,fatin ne’e prontu ona atu simu ita nia Santu Padre ne’ebé sei vizita iha tempu badak,” tenik Diretór Ezekútivu ADN, Rui Lourenso da Costa
Nia dehan, atu informa bá ema katak gastus orsamentu bá konstrusaun rehabilitasaun Igreja Katedral nian ho montante ne’ebé mak naton.
“Gastus bá konstrusaun rehabilitasaun Igreja Katedral ho montante dollar rihun atus-lima tolu-nulu, ualu-nulu resin-rua ($530.000.82) ida ne’e mak ita halo, Kompañia ne’ebé mak kaer maka Kompañia ho naran Arquires Unipesoal.Lda,” Diretór Ezekútivu ADN, Rui Lourenso da Costa hakotu
Jornálista : Esperança Monteiro & Inasio Silva
Editóra: Delfina Borges
