(Dili) Mudansa -Problema dezastre naturais iha Timor-Leste Mundiál fo ameasa perigu ba komúnidade sira nia vida tanbá kauza atetude umanu nian.
Sekretariu Estadu Floresta Fernandino Vieiria da Costa hateten, problema Floresta nian sai problema ne’ebe bo’ot no problema mundiál no kauza ne’e hosi atitudi umanu nian ne’ebé mak hanesan fó ameasa perigu ba natureza no ambiente ne’ebé mak hanesan Timor iha.
“Atu fó hatene katak depois ita ukun-aan ita nia infraestrutura no ita nia kondisaoins moris ne’ebé mak hanesan iha Konstituisaun depois iha 99 ita ukun-aan ita komesa hahú ho neineik rekopera fila-fali ho kondisaoins ida ne’e durante ita ukun-aan tinan 22 ona, maibé buat hotu-hotu tenki servisu kopera malu hodi nune’e ita bele atindi objetivu ukun rasik-aan ida ne’e, dehan sekretariu Estado Floresta Fernandino Vieiria da Costaba Jornalista iha sede suku hera, Kuarta-Feira,(09/07/24)
Sekretariu Estadu Florestas ne’e dehan, objetivu ukun rasik-aan oinsá para bele hadia kondisaoins moris liu-liu bá komúnidade sira no inan-aman sira ne’ebé mak moris iha situasaun ne’ebé difisíl.
“Ita labele depedenti bá rekursus naturais, rekursus Floresta ne’ebé mak iha ne’e hela, hodi bele estraga no bele prezudika ambiente no liu-liu ita nia Florestas hodi bele fó perigu bá ita nia komúnidade rasik,”Nia relata
Nia sálienta, Iha Postu Cristu-Rei no liu-liu iha suku hera kuandu akontese inundasaun no saída mak akontese bainhira udan tau rai, ne’e hamosu ona dezastre naturais.
“Ami iha Dili sempre ko’alia, Dili ne’e ita reza para karik udan labele liu oras rua (2) kuandu udan iha Dili mak liu oras rua(2) ne’e ami mós book aan ladi’ak ne’e sempre akontese inundasaun dezastre naturais bee tama uma iha fatin-fatin no la’os de’it akontese iha komúnidade sira nia uma,maibe mós espeiktor Edifisiu Governu nian mós hetan ameasa tanbá poblema dezastre naturais,akontese inundasaun no dezastre naturais tanbá kauza mós husi atitudi umanu nian ne’ebé mak dala-ruma mós ladun Famíliar ho kondisoins Ita nian ambiente,”Nia informa
Governante ne’e afirma, tanbà ne’e mak sira nia prezensa iha ne’e lori Governu nia naran liu husi Ministeriu Agrikultura Pekuaária peskas no Florestas koopera malu hodi proteje ambiente.
“Ami nia prezensa iha ne’e lori Governu nia naran liu-liu iha Ministeriu Agrikúltura Pekuária peskas e Floresta, no Secretario Estado Floresta nia naran hato’o katak hahu ohin bá oin nafatin ita tenki ser koopera malu no protesaun bá ita nia ai-laran Sira ne’ebé mak iha ita nia fatin hodi Hela ba ne’e,ita nia rai no ita nia paisajen kapitál Dili nomós Timor-Leste furak teb-tebes no ema hosi rai liur ne’e mai haree dehan Timor furak tebes no matak tebes, maibé sira hosi Aviaun hateke tun mai dehan Timor maran los,” Governante ne’e relata
Sekretariu Estadu Fernandino Vieira hateten, Kuandu fulan Jullu, Agostu, Setembru no Outobru, ne’e rai Timor maran teb-tebes, rai maran, molik, no nia furak laiha tiha.
“Konsúltasaun ida ne’e importante oinsá para ita hamutuk atu nune’e bele kuida nafatin ai-horis no ambiente ne’ebe mak fó buras no fó matak bá raii Timor Leste,”Nia hakotu.
Jornálista : Zemidonio Martins
Editóra : Delfina Borges