(Dili) Mudansa-Suku Mantelolão Postu Admistrativu Metinaro area munisipiu Dili ne’ebe hari kuaze tinan 7 ona, kontinua vuneravel ba iha area infrastrutura hanesan Bê mos,Estrada inklui liña internet.
Xefe Suku Mantelolão, Sergio Asis Lopes Sarmentu Dias hateten,suku Mantelolão hari kedas iha tinan rihun rua sanolu resin hitu maibe to’o agora seidauk asesu ba infrastrutura ne’ebé la diak.
“Ita koalia kona-bá infrastrutura ita Suku Mantelolão ita nia Estrada mak sei aat,Bê moos inklui ita nia mota sira, tanbá ida ne’e ita presija tebes atu husu liu-liu ba ita nia Estadu, tanbà pupulasaun kontinua halerik ba Bê mos,Etrada no liña internet ne’ebé sai nafatin preokupasaun ba sira.”Dehan Xefe Suku Sergio Asis ba jornalista sira iha iha nia knar fatin Metinaro, (11/06/24).
Nia relata,Suku ne’e harii iha tinan rihun rua rua sanolu resin hitu iha mandatu Governu da ualu (VIII) nia ukun,ne’ebé hamosu tan Suku foun,mai to’o ohin loron,komunidade kontinua halerik, bainhira tempu udan susar ba estudante atu asesu ba edukasaun no susar ba komunidade sira atu asesu ba merkadu.
“Ita fila kotuk tuan kuandu akontesimentu udan,iha 04 fulan Abril ita nia mota ne’e rasik mota ida ne’ebé boot nia inpaktu ne’e mota bele tama tiha mai eskola iha tinan 2021 la sala depois ida ne’e udan boot ita afeta liu maka estrada ne’e ita labele uja, tanbá udan ona konumidade tenke hein udan para no mota tun hotu tiha maka sira foin sa’e mai se udan bebeik hela deit komunidade labele liu no asesu rasik ba merkadu nomós dala-ruma difisil la halimar inklui estudante sira labele ba eskola bainhira mota boot”Tenik Nia
Hatan ba preokupasaun hirak ne’e Prezidente Autoridade Munisipiu Dili Gregorio da Cunha Saldanha mós hateten,Suku hanesan orgaun ne’ebé kiik liu iha Estadu nia,nune’e prezidenti Autoridade munisipiu Dili preokupa nafatin ho infrastrutura husi baze no sei halo konstrusaun ba iha preokupasaun hirak ne’e.
“Suku hanesan estrutura governamental ne’ebé kiik liu iha Estadu nia laran,maibé munisipiu Dili preside husi przidenti ida hanesan hau agora tau fiar hanesan PAM ne’e prezidente munisipiu Dili preokupa mós ita nia relasionamentu ho infrastrutura husi baze tenke hadia dalan sira dala-ruma hanesan Manutelolão kundu udan labele liu mota, udan laiha la iha alternativu,hau hanoin buka dalan tur hamutuk ho autoridade ho komunidade sira hodi sira konkorda malu loke dalan ba utilidade ba publiku sira uza ita husi Dili mai mós uza ba ita nia nesesidade sira”Nia esplika.
Nia salienta liu tan,dadaun ne’e munisipiu Dili seidauk bele hatan hotu preokupasaun hirak ne’e ,maibé kuaze iha parte balun ne’ebé kontribui ona atu nu’une’e populasaun mós bele sente netik rezultadu husi Indepedensia.
“Munisipiu Dili labele rezolve buat sira ne’e tanba,ami labele rekolla hotu informasaun hirak ne’e agora PDIM sira halo hela estrada iha leten,sira loke Estrada sira halo mós Edifisiu ba Polisia nia OPS ne’e portantu munisipiu Dili seidauk bele qqkontribui buat ne’ebé ita bele halo buat balu Governu sentral ne’e ami rekomenda sentral atu resolvela iha diskriminasaun Autoridade mos servisu hamutuk ho povu iha fatin isoladu sira ida ne’e maka ita fo atensaun ba atu fasilita sira nia servisu ,atu nu’une públiku bele sente katak Independensia, sira mós bele goja sira bele sente,mesmu kondisaun la 100% maibé hadia neneik”tenik Nia
Entretantu populasaun ne’ebé hela iha suku ne’e hamutuk rihun rua atus ida ualu nulu resin ida(2181) uma kain hamutuk atus lima tolu (503) aldeia hamutuk neen(6) hanesan We sahe,Laho matan,Has laran,Lebu tun,Manularan nomós Manutelolão rasik.
Jornslista : Remigia Locateli
Editora : Delfina Borges
