(Dili) Mudansa-Institutu Nasionál kombate HIV-SIDA kontinua sensibiliza informasaun kona-bá prevensaun virus HIV-SIDA iha suku Mantelolão postu admistrativu Metinaro, Munisípiu Dili.
Presidenti INSIDA.IP Daniel Marçal hateten, objetivu husi sensibilizasaun ne’e atu fahe informasaun ba populasaun suku refere, tanbà hetan proposta husi Autoridade Lokal rasik.
“Hau simu proposta ida husi Xefe Suku ne’e ami lakohi mai tanbà dook demais, sira dehan sefe suku ne’e komik loos ita ba maka haree deit, maibé hau dehan lae haree osan tau ita hamutuk ho Xefe Suku ho nia komunidade sira iha leten,tanbà Xefe Suku ho nia komunidade Direitu hanesan ho sira Dili.” dehan presidenti INSIDA Daniel Marçal ba jornalista sirs iha Metinaru Mantelolão I tersa-Feira (11/06/24).
Nia salienta, Dili hanesan kapital kuaze ema barak hetan ona informasaun, ho nune’e tempu ona atu ba fali area rural sira liga ho dadus ne’ebé iha laos Dili deit maka afeta ba virus ne’e maibe inklui mós area rural sira.
“Ami ko’alia bebeik iha Dili mós haree fali ba iha estatistika la’os Díli mak kona deit virus, maibe foho mós kona hotu, tinan hira ba kotuk iha Metinaro ne’e hau haree ida lahatene agora hira ita haree estatistik ohin dehan koalia ba joven deit maibé estatistika hateten katak ama sira, apa sira hotu tau problema ita hotu nia.” Tenik presidenti INSIDA Daniel
Iha fatin hanesan Xefe Suku Matelolão Sergio Asis Lopes Sarmentu Dias mós hateten, hanesan lideransa komunitaria iha direitu tomak atu halo liña kordenasaun ba parte hotu-hotu liga ho situasaun no kondisaun ne’ebé povu presija hatene.
“Hanesan Xefe Suku iha obrigasaun tomak halo kordenasaun hamutuk ho parseiru sira hanesan ohin informasaun balu ohin ita rona ona karik kona ba moras HIV-SIDA,moras ida ne’ebé ita hotu-hotu sempre rona liu husi media sira ita hotu akompaña moras ida neʼebé dala-ruma bele hadaet husi ema balun liu husi ida ne’e maka simu informasaun hirak ne’e ita rasik halo kordenasaun hamutuk ho ita nia HIV-SIDA atu nune’e bele mai halo sensibilizasaun.” dehan Xefe suku Mantelolão Sergio Asis.
Nia haktuir tan, remata sensibilizaun ida ne’e garante katak populsaun iha Suku Mantelolão komunidade idak-idak bele antisipa no hadook an husi virus refere.
“Ita remata sensibilizasaun ida ne’e ita mós sei halo fali enkontru ho Xefe Aldeia sira atu nune’e sira mós bele transmite informasaun ida ne’e ba ita nia komunidade bele antisipa hela iha moras ida ne’e rasik” Nia subliña.
Presidenti Autoridade Munisipiu Dili Gregorio da Cunha Saldanha mós hatutan, Díli sai hanesan sentru ba munisipiu hotu-hotu ho nune’e fraku ba iha moras kualker, tanbà ne’e nia parte servisu hamutuk ho INSIDA hamutuk ho polisia Nasional Timor-Leste (PNTL) munisipiu Dili no mos ministeriu saude munisipiu Dili halo sosializasaun sira ne’e kontinua ba iha konunidade sira atu bele prevene liu husi transmisaun informasaun.
“Ita koalia, Dili ita labele koalia Timor-Leste tomak ema barak demais frasil risku ba moras hotu- hotu liu-liu moras daet sira hanesan HIV-SIDA saida maka Munisipiu Dili halo, Munisipiu Dili lao servisu hamutuk ho Isntitutu Nasional KombateHIV-SIDA PNTL Munisipiu Dili no mós saude munisipiu Dili ami halo sosializasaun sira ne’e, enkontru ho komunidade sira koalia nafatin komunidade sira ami mós konkorda atu halo asaun ruma ne’ebé maka konkreta ba fatin hirak ne’ebe maka sai risku ba moras hadaet lalais hanesan fatin Studio Tato no seluk tan” PAM Dili Gregorio da Cunha Saldanha esplika.
Nia relata tan, nia parte sei halo enkotru ho parseiru sira liga ho fatin sira ne’ebé maka sai alvu ba virus refere no fasil virus ne’e atu hadaet ba ema hanesan kost no hotelaria sira.
“Ami tuur hamutk sei ko’alia liu tan buka medidas saida mak bele redúz moras ne’e,bele ilimina ka hapara tanba la’os Timor iha mundu tomak ema buka dalan hanusa ema bele foti solusaun ba asuntu ida ne’e reduz bele muda ema nia mentalidade konvense ema ho hahalok sira hodi moras labele daet liu-liu joven sira.”tenik Nia
iha sorin seluk partisipante Sergia do Rego mós hatutan, nia garantia katak remata iha sensibilizasaun ida ne’e joven sira bele hatene ona halo prevensaun ba idak-idak nia a’an, no nia parte bele sai xave ba nia a’an rasik atu halo kotrolu sosail individu.
“Hau fiar katak remata iha sensibilizasaun ida ne’e joven sir abele hatene ona halo informasaun no hatene ona halo kotrola ba ita idak-idak nia a’an, no ba hau fiar katak sai mós xave atu halo kotrola ba an rasik.” Dehan Sergia
Kazu HIV kada munisipiu husi tinan 2003 to’o 2024 Munisipiu Aileu 16, Ainaro 32, Baucau 53, Bobonaro 117, Covalima 83, Dili 1545, Ermera 35, Liquiça 24, Lautem 17, Manatuto 20, Manufahi 22, Oe-cusse 63, Viqueque 15 Total 2042, komulativu kazu 2042, komulativu tratamentu 1118(55%), mate 341(17%)kasu foun 2024 seidauk om art 19(2%), transfer ba liur 48(2%) 516(23%)DO.
Entre tantu parsipante ne’ebé partisipa iha sensibilizasaun ne’e ho hamutuk atus ida hitu nulu resin lima(175), tuir observasaun jornalista Media Mudansa nian ba iha suku refere, area ida neʼebé rural tebes no kuaze atu asesu ba Estrada ho kilometru 3 hafoin bele to’o iklui dalan ladiak no la iha liña internet.
Jornalista : Remigia Locateli
Editora : Delfina Borges
