(Dili) Mudansa–Diretór Relasaun Externa Komunikasaun (DREK) Cesario Da Silva Marques Informa, iha loron 13 to’o 19 fulan Fevereiru tinan 2024 akontese dezastre Naturais , Autoridade Protesaun Sivil (APC) rejista vítima uma kain hamutuk 127 iha teritoriu laran tomak.
“Hahu iha loron 13 to’o 19 Fevereiru 2024 , Timor-Leste akontese dezastre naturais (APC) rejistu uma kain hamutuk 127 mak hetan estragus ho liu-liu iha Munisípiu sira hanesan tuir mai ne,e Munisípiu Baukau (Anin sobu uma 10), Munisípiu Bobonaro (Rai Halai uma 2) Munisípiu Covalima (Anin Sobu Uma 76 Ahi han 8), Munisípiu Dili Anin sobu uma 1 no bee sae uma kain 9, Munisípiu Manufahi (Anin Sobu 2), RAEOA (Anin Sobu 2), Munisípiu Viqueque (Anin Sobu 5) Munisípiu Liquisa (Anin Sobu 6) Munisípiu Manatutu (Anin sobu Uma 4 ahi han 1 no Rai halai 1).
Komandu (APC) Munisípiu ho Parseirus relevante fornese asistensia emerjénsia ba família afetadus sira mak hanesan Ai-han no la’ós Ai-han (food item & Non-food Item),” Dehan (DREK) Cesario Da Silva Marques ba jornalista sira iha APC Caicoli Dili Sigunda 19/02/2024
Diretór DREK hateten katak, Komandu Operasional Autoridade Protesaun Sivil (APC) Munisípiu sira sei kontinua halo hela levantamentu detaillus kona-ba sasan ne’ebé estragus no lakon iha kada Munisípiu sira.
“Observa kondisaun klima rejiaun Timor-Leste husi dia 13 to’o 19 Fevereiru 2024 hakarak informa komnunidade em jerál iha teritoriu Timor laran tomak katak, atmósfera sei instavél ka kalohan sei taka iha munisípiu hotu durante semana ida ne’e, no iha potensia ba udan fraku to’o forte bele lokalmente udan forte liu, liuliu munisípiu ne’ebé iha rejiaun foho,” Nia Afirma
Diretór Cesario informa tam, Kondisaun anin hu’u ho velosidade normál iha rejiaun sentrál no anin hu’u ho velosidade natoon ba forte iha rejiaun kosteiras, no kondisaun laloran tasi kontinua normál tantu iha kosta norte no Kosta sul.
“Bainhira udan, anin boot rai lakan, husu ba populasaun sira atu hado’ok a’an husi fatin risku sira no buka hela iha fatin ne’ebé seguru informasaun ruma, ou karik presiza halo evakuasaun, matein kalma nafatin, evita paniku no halo tuir orientasaun Autoridade Lokal ou Pessoal Protesaun Sivil ne’ebé besik,” Nia akresenta
Diretór Relasaun Externa Komunikasaun Cesario Da Silva husu ba komunidade sira bainhira udan no anin bo’ot labele la’o sai fatin risku no labele husik labarik sira halimar iha mota ninin no mós inan-aman sira ne’ebé agrikultura bainhira udan no anin labele ba to’os no natar no labele koko atu hakur mota wanhiran udan bo’ot.
Jornalista: Gaudencia Belo
Editór : Veraka