(Dili) Media Mudansa -Diretór Nasionál Empregu Exterior João Correia Pereira hateten ,traballadór Timor oan hamutuk 60 mak asina deklarasaun ho governu Timor Leste molok atu aranka ba Korea do Súl.
“Traballadór hamutuk 60 assina kontratu hodi aranka ba Korea do Súl kompostu husi feto 2 iha area fabrika no mane 58 no husi 60 ne’e tanballador ne’ebe renova paasaporte hamutuk 14 no traballadór foun hamutuk ema nain 46 mak asina deklarasaun ho governu Timor-Leste molok atu aranka ba Korea do Súl.”Dehan Diretor Nasionál Empregu Exterior João Correia Pereira ba Jornalista sira iha salaun SEFOPE Kaikoli Dili, Kuarta, (10-01-24).
Iha fatin hanesan Sekretariu Estadu Formasaun Porfisional no Empregu (SEFOPE) Rogério Araújo Mendonça mós husu ba traballadór sira hatudu atitude no komportamentu ne’ebé di’ak iha ema nia rain no hatudu prestasaun servisu ho di’ak.
Foto: Jaime Ornai
“Koreia mós iha kultura respeitu liu ema la hanesan iha ita nia rain, tanba kultura koreia diferenti makaas tebes liu-liu iha respeita ema, tanba ne’e husu ba traballadór sira hatudu atitude no komportamentu ne’ebé di’ak iha ema nia rain no hatudu prestasaun servisu ho di’ak,”Nia Sublina.
Governante ne’e mós informa ba traballadór foun sira di’ak liu la bele sai husi sistema, se kuandu sai husi sistema mak sei hasoru problema barak.
“Imi sai husi Sistema mak imi la iha oportunidade hodi mai vizita imi nia família sira iha Timor-Leste, kuandu bainhira mai Timor-Leste, imi sei la fila ba Korea ka imi servisu iha ne’ebá ilegal maka polísia kaer imi kastigu no deporta mai Timor mak imi sei la hetan oportunidade hodi ba servisu iha nasaun sira seluk.”Nia informa.
Iha sorin seluk Deputada atuál membru komisaun D, Deputada Virgina Ana Belo mós hatutan, ba servisu iha ema nia rain la’os servisu mak todan, maibé servisu iha risku, tan ne’e keta haluahan orasaun nafatin molok ba servisu.
“Keta haluhan halo orasaun molok ba servisu no keta haluha ita nia fiar hanesan uma-ahi no matebian sira, hodi husu tulun atu nune’e bele proteze imi nia atividade servisu lor-loron nian ho di’ak.”Hakotu Deputada Virgina Ana Belo
Jornalista : Jaime Ornai
Asistente Editor : Delfina Borges
