(Dili) Mudansa – Sekretáriu Estadu Formasaun Profisional Empregu (SEFOPE) Tempu besik sei publika tan vaga Australia hamutuk 50.000 iha munisípiu 12 inklui Oekusse Ambeno nune’e joven sira bele ba haree direita iha ida-idak nia munisípiu rasik.
“Vaga 2.000 ne’ebé horiseik públika hirak ne’ebé naran iha sei ba tuir teste iha Lely no mós balu sei iha sistema hahú husi tinan 2016 to’o 2023 hamutuk rihun 50 hirak ne’e sei públika iha ida-idak nia munisípiu,” dehan Sekretariu Rogério Araujo Mendonça ba jornalista iha Salaun SEFOFE Kaikoli Kinta, 16/11/2023
Nia relata, Bainhira joven sira haree naran iha ona sei loke fila fali teste ba sira depois haree sira ne’ebé liu iha teste sei hatama sira nia naran ba iha sistema depois empregadór sira mak deside maibé la’ós desizaun husi SEFOPE mak dehan ba ou lae?
Rojerio esplika, sistema manuál ne’ebé uluk estabelese iha 2012 mai to’o 2022, agora VIII governu liu husi SEFOFE aplika vaga online ida ne’ebé nakloke ba ema hotu hanesan joven, estudante inklui funsionáriu públiku sira mós bele aplika.
“Ita asegura aplikante sira nia naran iha sistema ne’ebé hanaran (where ready pool) sistema ida ne’e prepara ona nune’e empregadór sira husi Kompaña 200 iha Australia mós bele asesu lista iha sistema ne’e depois maka empregadór sira deside tuir sira nia hakarak,” katak Nia.
Nia relata, Vaga ne’ebé halo ona skrening hamutuk rihun 14 no mós vaga online ne’e fó kompeténsia ba ajensia Pasifik Labourf Fasility (PLF) iha Australia mak halo skrening no kolesaun ba traballadór sira ne’ebé iha abilidade maibé SEFOFE la halo intervensaun ba eskrening ne’e.
“Atu hatete ba públiku katak SEFOFE la adapta familiarista tanba programa ne’ebé governu anteriór halo tiha ona ne’e mak ita kontinua de’it ne’ebé la signifika ita-nia traballadór ne’ebé aplika ona vaga ne’e sei la lakon oportunidade, “nia hakotu.
Jornalista : Domingas Viana
Editor : Orlando Magno
