(Dili) Mudansa – Sekretáriu Estadu Formasaun Profisionál no Empregu (SEFOPE) Rogério Araújo Mendonça agradese ba Governu Australia ne’ebé servisu di’ak ho Governu Timor-Leste tanba ohin dala ikus realiza mobilidade laboral ba 12 míl i tall.
Iha ne’ebé, SEFOPE liuhusi Diresaun Nasionál Empregu no Exterior (DNEE) prepara tan traballadór na’in 92 atu ba servisu iha Australia feto hamutuk 34 mane hamutuk 58 Traballador sira ne’e sei arranka ba Australia iha 23 no 27.
“Agradese ba Governu Australia ne’ebé servisu di’ak tebes ho Governu Timor-Leste liu husi Sefope ohin ba dala ikus realiza ona mobilidade laboral ba 12 míl tall ne’ebé mak ba servisu iha Australia,” Dehan Diretor( SEFOPE ) Rogério Araújo Mendonça ba jornalista iha Suai Room Timor Plza, kuarta, 8/11/2023
Rogério Hateten, oportunidade ida di’ak tebes agradese ba estadu Australia tanba sei bele loke odamatan ba Timor oan servisu iha Australia, Durante mandatu mai to’o ohin loron foin primeira vés ne’ebé ho traballadór reentri númeru ida boot na’in 92 no horiseik na’in 40.
“Ha’u-nia Mensajen ba sira oinsá servisu iha ne’ebá ho di’ak uza oportunidade ne’ebé iha ba ema nia rai ho buat ne’ebé ita-nia esperansa hare mós ba kultura no regras prosedimentu ne’ebé iha,”Nia Afirma.
Reprezenta traballadór, Fidensios Alves do Santos hatutan, iha Timor kampu traballu menus tebetebes ho oportunidade ida ne’e, bele hadi’a sira nia moris no ajuda sira nia família sira.
“Ha’u servisu iha Australia iha área agrikultór ku’u ai-fuan primeiru ba ku’u estroberi iha tempu ne’ebá konvida ami la fila mai Timor durante tinan tolu nia laran ami ba servisu fali ku’u Uvas sabraka, Tamba momentu ami servisu ne’e fulan 6 de’it,” Nia Tenik
Nia dehan, Ho ida ne’e fila mai hetan konfiansa ba servisu fali iha parte irrigasaun kontrola fali bee no ai-fuan.
“Esperensia ne’ebé ha’u hetan ba ha’u-nia an rasik hakarak atu aplika iha ita-nia rai buat ne’ebé ha’u hetan iha ne’ebá hakarak aplika iha ita-nia rai maibé presiza mós orsamentu, no ita tenke iha to’os tan ne’e ha’u fiar katak oferese ha’u matenek no kapasidade ne’ebé iha ha’u bele oferese,” Hakotu nia.
Jornalista : Gaudencia Belo
Editór : Orlando Magno
