(Dili) Mudansa – Governu Timor-Leste liu husi Sekretáriu Estadu Formasaun Profisionál no Empregu (SEFOPE) Rogério Araújo Mendonça informa, iha fulan janeiru tinan 2024 Sefope sei lansa traballadór(a) hamutuk na’in 200 ho nia família sira hodi ba hela iha Australia
“Iha janeiru ne’e ita sei lansa kona-ba traballadór(a) 200 pesoas ho nia família sira lori nia feen lori nia katuas oan lori nia oan sira hodi ba hela iha Australia ne’e primeiru iha janeiru 2024, se imi halai ses husi sistema sei la hetan oportunidade ida ne’e,” Dehan Diretor( SEFOPE ) Rogério Araújo Mendonça iha nia diskursu Suai Room Timor Plaza, kuarta, 8/11/2023.
Nia Hateten, Agora Governu Australia atu fó mai Timor oan filot ida 200 maibé kuandu la’o di’ak ona kada tinan sira husu 3 mil xefe família ne’ebé sei ba hela iha Australia.
“Agora ita boot sira ne’ebé hetan oportunidade ida ne’e uza ho di’ak to’o kontratu hotu ita boot sira mai fila fali se ita boot sira iha treik rekor di’ak iha ne’ebá sira bele haruka la’en bele haruka nia oan sira ba tuir ita boot sira ba Australia,” Nia relata
Ho nune’e Sefope husu ba traballadór atu mantein nafatin edukasaun ne’ebé durante implementa iha ne’ebá mantein nafatin ho di’ak.
“Australia kuandu bolu fila fali ba servisu signifika sira hatene imi badinas sira hatene imi respeita ema no sira hatene imi komportamentu di’ak mak sira bolu fila fali, Entaun fiar ne’ebé estadu Australia fó ba ita boot sira uza ho di’ak,” Afirma Nia
Diretor Sefope Rogério Araújo Mendonça enkoraja nafatin ba traballadór(a) ne’ebé hetan oportunidade viza ba hela iha Australia durante tinan 4 ba leten se kuandu ita boot sira hetan ona viza tinan 4 bele sai sidadaun Australia no mós sidadaun Timor-Leste.
Jornalista : Gaudencia Belo
Editor : Orlando Magno
