João Preokupa Boletín Eleisaun Suku Hakerek De’it Ho Lapizeira

banner 120x600

(RAEOA) Mudansa –  Eleitor balu preokupa ho boletín ne’ebé parte relevante liuliu Ministeriu Administrasaun Estatal (MAE) ho STAE prepara ba órgaun eleisaun suku períodu 2023 to’o 2030, tanba boletín tinan ne’e maioria hakerek de’it uza lapizeira.

“Tinan ida ne’e diferente boot eleitór ida tenke vota ema na’in haat (4), vota ba Suku, Delegadu/a, no Aldeia, maibé   MAE ho STAE prepara de’it sala ida, no iha ne’e mós atendimentu sira sei hakerek, ema ida bele okupa minutus 25 maibé mundu agora Dijital la’ós manuál,” dehan eleitór João Tani ba média mudansa iha sentru votasaun Eskola Bazíku Filial (EBF) Masin Oekusse.

Nia haktuir, João hatete, iha Sentru Votasaun refere, eleitores iha formatura hahú husi tuku 09.00 dadeer to’o lokraik seidauk tuku 03 nafatin de’it , tanba parte relevante ne’ebé prodús boletín la’ós dijitál maibé prepara de’it boletín manuál ho ida ne’e mak halo atendimentu ba eleitores sira tarde liu.

“Nu’udar eleitór la satisfás ho sira nia atendimentu, tanba agora foin aumenta tan eskritores balu husi nasionál, maibé depende husi eleitores sira nia partisipasaun, bainhira to’o aban mak hotu mós bele agora seidauk remata,” nia afirma

Nia afirma, fatin ba atendimentu eleitores sei hakerek, tanba ne’e difikulta eleitores sira atu ezerse nia diretu maski eleitores na’in resik tuir ona votasaun maibé 400 mak seidauk to’o agora.

“Ita-nia mensajen ba eleisaun tinan tuir mai, suku Costa nian tenke loke tan estasaun rua, no kada estasaun ida presiza iha sala tolu no mós kona-ba boletín tenke print sai de’it la’ós hakerek hodi kastigu eleitores sira kastigu kabun,” nia afirma.

Jornalista : Mariano Do Santos Abi

Editór         : Orlando Magno

banner 325x300
Editor: Orlando Magno