Tempu to’o ona Bernardino fila ba Suku

(Dili) Mudansa – Kandidatura Xefe Suku Lore 1 Postu Administrativu Lore Munisípiu Lautem Bernardino Marques Barvão Joven ida ne’ebé iha esperiensia naton hakarak kandidatu an ba Xefe Suku Iha Suku Lore 1. Tempu to’o ona Bernardino fila ba Suku.

Bernardino Marques Barvão Kandidatura ne’ebé iha esperiensia inisiu kedas envolve an iha movimentu voluntariu iha 2015 iha ne’ebé ekipa dahuluk, nia envolve hodi kadernija nia an mak Klibur Foin Sa’e Humanitária (KFH) ne’ebé nia hanesan membru fasilitadór ba língua inglês báziku ba labarik kiik joven no inan aman sira.

Hafoin, iha tinan 2017 nia inklina an iha ekipa Klibur Forsa Humanista Timor-Leste (FHTL) ne’ebé antes forsa humanista ne’e hamrik nia mós involve iha prosesu tomak.

“Ha’u iha esperiensia barak ha’u ba fali Lospalos inisia ekipa ida ho naran Klibur Foin Sa’e Tane Lautem KFPL hamrik liu tiha fulan ida mak FHTL hamrik entaun husi ne’ebá ha’u nafatin kadernija ha’u nia an iha programa oioin ami lori edukasaun popular ba iha Munisípiu sira” dehan Kandidatura Bernardino ba Jornalista Média Mudansa Segunda (23/10/2023) liu husi via WhatsApp

Hafoin ida ne’e nia mós envolve iha NGO Hadesta hanesan fasilitadór ba jornalizmu báziku alende ne’e, nia mós iha sentru audio vizual Max Stahl hanesan jornalista voluntariu

“Husi esperiensia sira ne’e hotu ohin ha’u prontu atu kandidatu an, tanba durante viajen haleu Munisípiu lori edukasaun popular ba labarik kiik sira, liuliu ba jovel vulnerável sira iha suku sira, tempu ona atu ha’u fila fali ba ha’u nia suku atu fahe esperiensia ba alin sira liuliu maluk joven sira iha ha’u nia suku” tènik nia

Husi nível Edukasaun Bernardino Hahu’u nia ensinu primaria iha tinan 2001 to’o iha 2007 tanba iha tempu ne’ebá seidauk iha ensinu báziku, iha de’it primaria nu 7 de Maluro. Hafoin nia remata iha ensinu primaria nia kontinua Pre-sekundaria iha n^o 1 kuluhun Lospalos, depois de remata eskola Pre-Sekundariu nia kontinua foti nível ensinu sekundariu jerál Nino Konis Santana Lospalos no Iha tinan 2013 nia kontinua nível universitáriu iha UNITAL Fakuldade Siensia Edukasaun Departamentu Lingua Inglês

“Ha’u nia preparasaun la’ós de’it ha’u kandidatu mak prepara maibé ha’u prepara iha momentu ha’u deside atu kandidatu an ba xefe suku, ha’u komesa fahe ona informasaun ba maluk joventude sira. Iha suku lore 1 kundu rona ona ha’u atu kandidata an sira komesa kontaktu ona ha’u katak ha’u bele atu kandidatu an husi kedas 2021 bainhira ha’u deside to’o tempu kandidatu an ha’u mós prontu ona” katak nia

Hosi ne’e sira komesa fahe ona brosura katak kandidatu ida di’ak liu mak joven tanba iha territóriu laran tomak kuaze joven barak mak fila ona ba suku atu kandidatu an

Motivasaun ne’ebé mak motiva tebes Bernardino mak kondisaun no situasaun alin sira no maluk joven sira iha suku ne’ebá. Nia dehan tanba durante husi kedas 2015 to’o mai iha 2020 nia hare’e sira aprende buat barak maibé iha nia suku dalabarak joven vulnerável sira ladun hetan oportunidade di’ak entaun ho ida ne’e mak motivu tebes Bernardino atu fila fali ba nia suku hodi servi sira no lori sira hodi kompete sira ho suku no Munisípiu seluk

“Tanba ha’u iha prinsipiu ida katak mesmu sira hela iha foho mais sira nia pensamentu labele hela de’it iha foho tenki hanesan ho sira ne’ebé iha Munisípiu seluk sira ne’ebé mak hela iha sidade” dehan

Bernardino dehan nia objetivu prinsipal mak atu servi, tanba sai lider la’ós atu ukun sai lider tenki ba servi no protektor.

“Ha’u mai ho prinsipiu ida katak mai la’ós ho familia ida de’it maibé ha’u mai husi sosiedade ida komunidade ida ne’ebé mak iha diversidade, se ha’u mai ho ha’u nia an de’it entaun ha’u metin iha NGO” informa nia

Nia hatete Durante prosesu tomak nia aprende iha fatin la’o iha fatin fatin ho ida ne’e nia la’ós hanoin nia an de’it buat ne’ebé nia hatene nia presija fahe

“Ha’u nia moto prinsipal mak tempu ona hateke ba oin no tempu ona atu fo fiar ba jerasaun foun tempu to’o ona ha’u atu fila ba suku atu servi komunidade enjeral liuliu ha’u nia joven vulnerável sira” dehan nia

Bernardino nia vizaun iha liafuan tolu ne’ebé mak nia sita iha ne’e, Reziliente, Partisipativu no Fraternu

“Entaun ha’u nia vizaun prinsipal mak povu lore 1 tenki sai reziliente partisipativu no fraternu” nia akresenta

Dahuluk nia foti vizaun ida ne’e tanba iha sosiedade ida suku ida ita mós presija ita nia Komunidade joven sira iha reziliensia uja rasik sira nia kapasidade hodi ultrapasa situasaun defisil ne’ebé mak akontese iha suku

Segundu Partisipativu kualker programa atividade ne’ebé mak iha suku bainhira nia eleitu ba suku nia hakarak joven hot-hotu komunidade tenki partisipa programa no atividade sira hotu iha suku No mós fraternu tuir kultural ita nian iha buat rua de’it Fetosan no Umane, hanesan maun alin entaun ho ida ne’e nia foti hanesan fraternu

“Ha’u nia programa ne’e liga kedas ho ha’u nia misaun, ha’u nia programa dahuluk mak edukasaun popular hanesan ha’u sei lori ba iha ha’u nia suku tanba ha’u nia kapasidade dahuluk ne’ebé involve ha’u iha movimentu sira durante ha’u aprende, programa ida ha’u lori atu ajuda ba maluk sira ne’ebé la asesu ba edukasaun no familia sira ne’ebé kestaun ekonomia” nia afirma

Nia salienta Iha suku lore 1 joven barak remata nível sekundariu sira labele kontinua iha ensinu superior kestaun tanba ekonomia, entaun programa ida ne’e mós ajuda tebes sira, no programa ida ne’e liga liu ba formasaun sira formasaun média, sidadania sira liuliu programa oitavu governu ne’ebé loke arte marsiais ho ide ne’e programa edukasaun popular ne’e atu sensibiliza ba organizasaun arte marsiais no arte ritual ne’ebé mak iha suku lore 1

Segundu mak kria parseria ho suku seluk la’ós de’it iha suku lore 1 ninian maibé iha suku vizinho ne’ebé iha postu lore maibé ba mós suku seluk iha Munisípiu lautem oinsa ita bele komunika malu fahe esperiensia no Dezenvolve suku.

Terseiru mak harii sentru informasaun suku ninian programa ida ne’e hodi buka média alternativu sira. Tanba iha suku lore eventu kultural importante ida ne’ebé kada tinan iha fulan Marsu kolieta meci.

Entaun programa ida ne’e antes eventu kultural ne’e informasaun sira ne’e espalla ona ba média liu husi sentru informasaun suku ninian. Iha dahaat nian mak kria kooperativa, tanba iha suku lore 1 iha ona kooperativa kiik oan sira hanesan empresta no rai osan.

“Se ha’u mak sai hanesan eleitu ba suku lore 1 ha’u sei buka ligasaun barak liuliu ba iha joven empreendedorismu sira, joven ne’ebé mak iha esperiensia kona-ba harii kooperativa sira” nia fiar

Dalima nian mak atu hamoris hikas kultura lolos lore 1 ninian tanba iha tempu uluk suku lore sempre ajuda malu halo grupu ba halo to’os mais agora buat sira ne’e lakon ona entaun kria kooperativa ida ne’e bele hamoris fali Kultura lolos povu lore 1 ninian. Ikus liu mak festival agroekologia ne’e hanesan programa ida ne’ebé oinsa atu hamoris no promove hamoris hikas tradisaun komunidade nian kona-ba sau batar.

Tanba iha lore 1 kuaze sau batar ne’e atu lakon ona no kuaze ema barak la halo ona to’os

“Ha’u hanesan kandidatu ida ha’u nunka tauk bainhira atu ko’alia kona-ba mudansa iha ha’u nia suku, hanesan bainbain iha publikasaun ha’u nia média katak ho imi ha’u otas nurak maibé responsabilidade ba suku lore 1 ne’e ita hotu nia responsabilidade” dehan nia

Nia dehan nia la kompete ho kandidatu sira maibé responsabilidade hanesan jerasaun foun nia tenki avansa, kandidatu nain tolu se mak manan tenki sai servidor ba povu hotu tenki sai protektor ba ita hotu