(Dili) Mudansa – Relasiona ho Governu liu husi reuniuan Konsellu Ministru (KM), aprova ona projetu Dekretu Governu kona-ba data realizasaun asembleia suku iha ámbitu prosedimentu ba eleisaun líder komunitáriu ne’ebé sei monu iha loron 28 fulan Outubru tinan ne’e.
Ho ida ne’e, lori sosiedade ba dalan dignu, independente, justu, prósperu no fiel, Francisco Maria husi Aldeia Bedois, suku Camea, postu Cristu Rei, Munísipiu Dili kandidatu ba eleisaun refere, prontu serbisu no serbí komunidade refere.
“Ha’u kandidatu ne’e, ha’u prontu serbisu no serbí, tanba tuir ha’u nia observasaun durante ne’e iha suku refere maka bee moos sai hanesan problema ne’ebé boot tebes, maski iha fatin balu la’o di’ak maibé balun sei iha susar,” Francisco Maria dehan ba Média Mudansa liu husi mensajen Whatsapp iha Tersa 17/10/2023.
Nia esklarese, karik povu fó fiar ba Francisco Maria, nia sei implementa programa sira ne’e no hatutan tan programa ne’ebé maka xefe suku atuál nian ne’ebé la’o tiha ona.
Francisco Maria daudaun ne’e nu’udar manorin na’in iha Edukasaun Noun-formal, maibé foti desizaun atu husik hela kargu ida ne’e, bainhira povu hili nia.
“Programa ne’ebé mak hadi’a iha futuru maka administrasaun rasik, halo atendimentu ba komunidade sira fuan ho laran no serbisu tuir regra sira ne’ebé maka aplika ona,” nia hatete.
Francisco Maria informa, vizaun lori sosiedade ba dalan dignu, independente, justu, prósperu no fiel no misaun maka atendimentu no optimiza papel funsionamento suku iha prestasaun serbisu komunitaria ne’ebé la iha diskriminasaun, abertamente, lais, transparente no responsável. Kapasitasaun rekursu humanu iha area potensiais sira, hanesan desenvolve setór edukasaun, artistikas, kulturais, desportivas no parte relijosu.
Realiza sociedade ne’ebé boa fé no boa custuma, melhora massimu serbisu, kontinua boa vontade no mós competitivo ho suku sira seluk, koperasaun di’ak liu tan ho entidades relevantes hotu, hodi bele fó benefisiu direita ba Komunidade sira liu husi Govenu ou Estado, Sociedade Sivil, Empresa Publico ho Igreja no seluk-seluk tan.
Antes nia hakotu haktuir tan katak, parese sensaun seguransa nia, confortavel tuir ordem estadu no komunidade nian, hodi bele kria paz, unidade nune’e bele garante komunidade sira iha atmosfera seguru, kondusivo, saudavel no prosperu,” nia afirma.
“Iha ha’u nia mandatu ninian bainhira eleitu iha suku Kamea, atu kolabora ho parte hotu-hotu to’o nasionál para haree serbisu sira ne’ebé la’o iha suku no aldeia sira hotu no sei serbisu hamutuk ho inan aman sira, joven, parte Igreja nian hodi haree serbisu iha suku refere,” nia hakotu.
Jornalista: Mariano Do Santos Abi
Editór: Felisberto F. da Costa
