(Dili) Mudansa – Polisia Nasional Timor-Leste (PNTL) Munisipiu Dili liu husi sesaun Tranzitu prende motorizada kuaze atus ida resik inklui motorizada governu nian rua ne’ebé kontra sinais Tránzitu bainhira utiliza motorizada iha dalan públiku.
Pasa revista ne’e Hala’o iha Rai Kotu suku Komoro Postu administrativu Dom Aleixo Munisipiu Dili, sesta 12/05/2023, no Motorizada Hirak ne’ebé Polisia Tranzitu prende tanba la iha sapa matríkula, lalenok motór la iha, monta sapa matríkula ida de’it, la uza kapasete no mós asesoris sira seluk.
Polísia Tranzitu hala’o auto- Stop ne’e durante oras rua resin hahú husi tuku 17:00 to’o tuku 19 : 20, maski antes ne’e PNTL fó sai ona informasaun atu la bele kontra regras no sinais Tranzitu maibé joven balu nafatin la kumpre regras Tranzitu no la tuir kódigu Estrada.
Motorizada ne’ebé Polisia Tranzitu Prende ona, motorista sira tenke kumpre liu husi selu multa hafoin bele foti fali motorizada iha Komandu Munisipiu Dili, Kaikoli Dili.
Bainhira polísia sira halo pasa revista iha dalan la signifika katak atu halo presaun ruma maibé oinsá atu aplika regras ne’ebé estabelisidu ona iha lei no kódigu Estrada nian nune’e ema hotu bele iha konsiénsia bainhira utiliza motorizada la bele kontra regra Tranzitu nian.
Observasaun jornalista média mudansa nian iha terenu katak, motorizada Hirak ne’e maioria militante Partidu Kmanek Haburas Unidade Nasional Timor Oan (KHUNTO) nian ne’ebé balu la kumpre sinais Tranzitu nian bainhira fila ba uma.
Iha atividade Check Point ne’e, akompaña Direta husi Komandante Munisipiu Dili ho nia Adjunto, no mós hetan apoia hosi Batallaun Ordem Publika (BOP), Task Force Munisipiu, Polisia.
Jornalista : Media Mudansa
Editor : Orlando Magno
