(Dili) Mudansa – Ministeriu Solidaridade Sosial No Inklusaun (MSSI) liu husi Vise – Primeira Ministra lidera enkontru trimestre dahuluk tinan 2023 hodi ko’alia kona-ba ezekuta servisu setór sosiál hamutuk ho liña ministériu ne’ebé hamahan an iha setór sosiál.
Vise Primeira Ministra no Ministra MSSI Armanda Berta Dos Santos informa, objetivu husi enkontru ne’e hanesan primeiru no ikus ba tinan ida ne’e, tanba lakleur sei selebra festa demokrasia, ne’ebé sei realiza iha tinan ida ne’e, ho nune’e akumula liña ministériu sira hodi aprezentasaun progresu servisu durante nia mandatu.
Nia akresenta, relasiona ho rezultadu sosiál nia sei hare kona-ba setór lima ne’ebé sei menus iha sira nia servisu maibé bazeia hotu ba orsamentu.
“ita sei hare hela iha edukasaun ninia atinjimentu iha ne’ebá, saúde no sosiál nia, ita bele hare iha primeira trimestrál ida ne’e, atinjimentu menus uitoan tanba liga ho tempu ne’ebé durante ne’e,no mós orsamentu sira ne’e hotu ita uza mós sistema foun husi finansas entaun hirak ne hotu bele la’o tuir Sistema,” dehan Ministra MSSI Armanda Berta ba jornalista iha MSSI Kaikoli Dili, tersa 04/04/2023
Berta afirma, rezultadu husi orsamentu ne’ebé durante ne’e utiliza ona servisu lubuk ida ne’ebé sira halo,liuliu harii edifísiu iha munisípiu 4, oferese bolsa ba jerasaun foun husi munisípiu 7 no mós aumenta idozu nia saláriu.
“Durante ida ne’e ministériu ita halo buat lubuk, ita hare ba orsamentu pensaun sosiál, bolsa ba ema jerasaun foun no mós edifísiu lubuk ida ba sentru solidariedade sosiál hanesan Viqueque, Ainaro no mós iha Aileu tempu ikus sei halo tan iha Likisa,” nia relata.
Entretantu partisipa iha serimónia ne’e mai husi Ministeriu Saude (MS), Ministeriu Ensinu Superior Siensia E Kultura (MESSK) Mimisteriu Edukasau Juventude No Desporto (MEJD) Sekretaria Juventude No Desporto (SEJD) Ministeriu Solidaridade Sosial no Inkluzaun (MSSI) hamutuk ho ajénsia autónomu sira ne’ebé tau matan ba servisu sosiál.
Estajiada : Remigia Locateli/Isabel de Fatima
Editór : Orlando Magno
