(Dili) Mudansa – Lider Istóriku, Kay Rala Xanana Gusmão informa, nia parte la partisipa iha serimónia aniversáriu veteranu Timor-Leste ba dala VI, tanba Governu Timor-Leste lideradu Taur Matan Ruak no Mari Alkatiri konsidera nian hanesan Lider Soharta Indonézia ba daruak.
“Ha’u ne’e kuitadu halo saida, kaer kilat de’it mós la hatene tan, Ha’u ne’e só Soharto kedua la halo buat ida hanesan iha tinan hirak ba, Prezidente Repúblika, Taur Matan Ruak deklara iha parlamentu nasionál konsidera Xanana nu’udar Soeharto kedua,,” dehan Xanana hafoin partisipa semináriu Nasionál ho tema “Politika Dada Kadoras hosi Planta Greanter Sanrise mai Timor-Leste” ne’ebé organiza hosi Universidade da Paz, sábadu 04/02/23.
Xanana deklara, iha altura ne’ebá kedas, Xanana ho sentimentu emosaun triste entrega hikas medalla kondekorasaun ne’ebé entrega hosi Prezidente Repúblika, José Ramos-Horta durante nia mandatu tinan 2007 to’o 2012.
“Hau la’ós veteranus ne’e sira dis kontente tanba saida, Ema sira ne’e maka veteranu halo buat sira ne’e hotu, ha’u ne’e povu baibain la’o ba mai de’it iha ai-laran ne’ebá, imi rona katak, fundadór nasaun sira ne’ebé iha ligasaun ho Lú- Olo sira ne’e mak halo funu ne’e to’o hotu,” nia esplika.
Maski la partisipa iha loron Nasional veteranus Timor-Leste ba dala VI ne’ebé hala’o iha Palasiu Governu, Maibé Xanana dehan agradese nafatin ba povu no asuwa’in FALINTIL no organizasaun rezisténsia tomak hanesan Juventude 12 Novembru no kuadru sira seluk tan ne’ebé luta iha vila laran to’o ai-laran hodi hametin organizasaun klandestina to’o hetan independénsia.
Jornalista : Esperança Monteiro Soares
Editór. : Orlando Magno
