(Dili) Mudansa – Parlamentu Nasional (PN) hato’o votus parabéns ba povu tomak liuliu Veteranus Sira hotu iha Timor Leste ne’ebé ohin 03/03/2023 selebra loron nasionál veteranus ba dala neen.
Prezidente Parlamentu Nasiona (PN) Aniceto Guterres informa, Lori Uma fukun Parlamentu Nasional nian naran, hato’o votus parabéns ba povu tomak liuliu Veteranus sira iha Timor Leste ne’ebé uluk luta ba rai ida ne’e.
“Parabens ba Nai veteranus sira hotu iha Timor, Mai Ita hotu servisu Hamutuk no unidus hodi hametin Ita Nia prosesu dezenvolvimentu ba Timor Leste,” dehan Presidente PN Aniceto liu husi ninia diskursu ba iha semináriu selebrasaun loron nasionál Veternus ne’ebé realiza iha CCD Dili, sesta 03/03/2023.
Nia Afirma, kontinuasaun luta ne’ebé, eroi ho eroína no veteranus sira hahú halo tiha ona iha pasadu hodi prepara ba Timor oan hotu to’o ohin loron atu kontinua luta ba dezenvolvimentu la’ós luta ba ódiu malu.
“Ita hotu-hotu iha knaar Ida atu kontinua Luta ba dezenvolvimentu no hametin unidus iha Ita rain no Mos ba povu tomak, Hanesan Objetivu ikus ne’ebé hahú Husi funu ba libertasaun da Patria no to’o ohin loron Ita Sei iha prosesu Ida ne’e, dala Ida Tan parabéns ba Ita hotu no Veteranus Sira iha Timor Leste,” Prezidente Anicetu konklui
Estajiadu : Zemidonio
Editór : Orlando Magno
