(Dili) Mudansa – Relasiona ho kazu subar kilat, Fundasaun Mahein (FM) husu ba governu tenke audit no kontrola Armas brankas (kilat) tanba iha Timor Leste Demokratimente nakonu ho Problema boot ne’ebé akontese liu ona.
Hanesan ema hotu hatene iha konstitusionál RDTL rekoñese mak F-FDTL, PNTL, no autoridade ne’ebé halo seguransa ba soberania, tuir ida-idak Nia kompeténsia, signifika katak F-FDTL no PNTL mak bele lori no uza kilat tuir lei.
Diretór Esekutivu Interinu Fundasaun Mahein (FM) Abel Amaral hatete, Kona-ba kilat iha Timor Leste ida ne’e iha hela Problema boot nia laran, tanba istorikamente, demokratikamente, Ema Timor oan hotu Sei iha trauma nia laran.
“Tanba ne’e, Husu Ba estadu Timor-Leste tenke Kria auditór ba kilat ne’ebé envolve Husi PNTL no F-FDTL ne’ebé ho kargu boot, aleinde ne’e envolve Mós Husi instituisaun Sivil Sira hanesan Komisaun (B) Parlamentu Nasional (PN), Ministeriu interiór, Ministeriu Defeza, PDHJ, KAK no sosiedade Sivil,” dehan Diretór Abel ba jornalista liu husi pres konferénsia iha fundasaun mahein Gricenfor Dili, Tersa 24/01/2023.
Fundasaun Mahein (FM) husu Ekipa auditór tenke lidera Husi Chefe estadu rasik no mós husu Komisaun (AB) Ministeriu interiór, Ministeriu Defeza atu kria Lei hodi regula Eiz komandante Tantu militár no PNTL presiza iha kilat ka lae?
Nia Relata, Fator boot ne’ebé Mak komete krize maka distribuisaun kilat ilegál ba membru Forsa no mós ba Ema sivíl, maski situasaun estabiliza ona, Sei iha kilat ho tipu Militar ne’ebé seidauk rekolla to’o agora.
“Durante Ita Ukun an, Tama ona dékada Rua (2) maibé Ita halo auditing ba kilat foin Dala Ida, iha tinan 2010 depois de krize 2006, hafoin Ida ne’e to’o agora Ita mós seidauk halo auditing ba kilat, Tanba ne’e governu Timor-Leste presiza auditing ba kilat kada Tinan nune’e bele hatene kilat Hira Mak ita iha, no kilat Hira Mak aat ona no kilat Hira Mak presiza atu Sosa, inklui jestaun hotu Kona-ba kilat hirak ne’e,” nia Afirma.
Diretór Abel Informa, Timor-Leste seidauk iha Lei atu regula eis komandante militár no PNTL bele lori no Rai kilat iha Nia Uma satán foin lalais iha média balun fó sai katak Governu iha planu atu Sosa Tan kilat ba instituisaun seguransa estadu nian no planu ne’e iha Duni ka lae?.
Diretór ne’e akresenta, ofisiál PNTL no PCIC presiza duni kaer kilat ga lae? Tanba violénsia iha Timor seidauk iha autór kriminál Sira uza sasán hanesan kilat ne’ebé nesesáriu duni ka lae? Tanba konflitu iha Rai laran ne’e dala barak uza fatuk, uza ai no balun uza tudik.
“Agora hanesan PNTL no PCIC Sira atu proteje kilat ba se, tanba realidade iha tinan kotuk Ita Nia maluk balun mate ho kilat, hanesan Kazu iha kulu huun no Lahane ne’e presiza katak Ita tenke kontrolu kilat,” nia argumenta.
bainhira ofisiál estadu abuzu Nia pozisaun Ida ne’e hafraku estadu Nia direitu, tanba hatudu ba públiku katak ofisiál la ta’uk atu viola regras, Ida ne’e viola Tia prinsípiu konstituisaun RDTL no Mós impunidade elite influénsia ba sosiedade no enkoraja de orden violénsia no seguransa.
“Tanba ne’e Fundasaun mahein husu atu ofisiál Atual no eis Ofisial ne’ebé subar kilat no Rai kilat, tenke hetan penalidade tuir lei, tanba Timor-Leste rasik mós Sei enfrenta Hela Problema polítiku ekonomia no sosiál barak,” nia hakotu.
Estajiadu MD : Zemidonio Martins
Editór : Orlando Magno
