(Dili) Mudansa – Programa Distribuasaun Sesta Basika, Ministeriu Turismu Komersiu Industria (MTKI), atinji ona porsentu 70 ne’ebé hakat ba fase finalizasaun maibé presiza tan tempu atu halo Distribuasaun ba restante ne’ebé seidauk hotu, tanba sei aprezenta ba Konsellu Ministru atu aprova.
Ministru Turismu Comersiu Industria (MTCI), Jose Lucas Do Carmo da Silva informa, enkontru interministeriál hare ba programa distribuisaun Cesta bázika ne’ebé atu ba fase finalizasaun tanba agora MTKI distribui sesta bázika to’o ona porsentu 70.
“Em Geral Husi MTCI ninia implementasaun ba distribuisaun sesta bázika to’o ona porsentu 70%, aleinde ne’e SECOOP Mos hanesan maibé restante Ida ne’e mak Ita sei halo programasaun,”,”dehan José ba Jornalista iha Trade Invest Dili, Sexta, 20/01/2023.
Nia afirma, MTKI SECOOP, Ministeriu STATAL no MKAE inklui Ministeriu Financas iha prosesu Ida ne’e Vise Cordenador Asuntu Ekonomiku sei lori Ba konsellu Ministru hodi husu instalasaun ba dia 31 marsu.
“Ita antisipa Reklamantes ba ida ne’e iha dadus, maibé ita la pronunsia tanba iha distribuisaun inkursu sei la’o hela por volta de 40% ne’ebé mak distribui hela, Ita sei iha espetativa katak sei iha reklamates tan maibé agora seidauk bainhira konklui hotu mak ita sei fó hatene,” nia relata.
Jose Relata akresenta, Entidade distribuidór sira tenke hatama ka submete asuntu ne’e ba sekretariadu sesta bázika MKAE, no sei haruka ba Ministeriu Estatal verifika dadus reklamasaun ida ikus ne’e hodi hatene reklamates iha direitu duni.
“Nune’e mós husi SEKOOP relata mai ami katak iha 70% hotu ona, no prosesu pagamentu mós halo daudauk ona, tanba ne’e hela 30%, ita nia komunidade sira simu hotu hahán ne’ebé hanesan, kona ba komunidade balun ne’ebé mak dehan hahán la kualidade ida ne’e ita tenke hare kazu por kazu, ne’ebé ita labele jeneraliza,”Nia hakotu.
Estajiadu MD : Zemidonio Martins
Editór : Orlando Magno
