(Dili) Mudansa – Organizasaun Voluntariu Hamutuk Hari Dame (HHD) hala’o limpeza Gerál Husi Kampu Alor To’o Palasiu Governu Nia oin hodi prepara ba 28 de Novembru 2022, ne’ebé komemora loron aniversariu proklamasaun Independensia Timor-Leste nian ba dala 47.
“Ita presiza halo netik buat ruma hodi kontribui ba nasaun Ida ne’e, Liu Husi asaun ita-nia asaun rasik, tan ne’e ami Hala’o limpeza hahú Husi Kampu Alor To’o Palasiu Governu Nia oin, hodi prepara ba Komemora loron 28 de Novembro,” dehan Kordenador HHD Sergio Dos Seus Soares Ba Jornalista iha áreadores palásiu Do Governu, sábadu, 26/11/2022.
Sergio haktuir, atividade limpeza Geral Ida ne’e mai husi sira nia inisiativa rasik, la hetan apoiu Husi parte balun, tantu husi NGO ka Governu maibé membru HHD Mak hatama kontribui Osan $.0.25/50 no balun $.1.00, Osan Sira ne’e gasta fali ba plastik no sasán ne’ebé presiza .
“Ami Mai ho inisiativa rasik hakarak kontribui ba nasaun Ida ne’e, la obriga Husi se de’it, se Ita sente nu’udar Timor oan entaun presiza konstrui Liu Husi buat Sira hanesan ne’e, maibé atividade Ida ne’e foin primeira vés Ami Hala’o,” Sergio relata.
Nia sujere, ba Maluk Joven Sira tenke harii Dame Paz Estabilidade ba sosiedade sira, tau hanoin Ida ne’ebé atu kontribui ba Paz iha nasaun Ida ne’e, joven sira sei hein tan saida? Agora tempu to’o ona atu kontribui ba rai Timor.
“Hau Rekomenda mós ba parte Governu atu tun direita baze hodi halo sosializasaun ba Joven Sira ne’ebé iha interese atu kontribui ba Ita Nia nasaun Ida ne’e, nune’e bele apoiu Joven Sira Liu Husi atividade sira no tau importánsia ba atividade sira hanesan ne’e,” Sergio deklara.
Iha fatin hanesan, Menbru HHD Imaculada Da Costa Senti orgullu tebes bainhira Hala’o atividade Limpeza Geral Ida ne’e tanba bele kontribui ona ba ba nasaun maski kontribuisaun ne’e ki’ik.
“Hau sente kontente tebes nu’udar Joven hakarak atu kontribui Paz no Dame ba iha sosiedade Nia laran, maski Ida ne’e la hetan apoiu másimu Husi parte relevante balun, maibé ho inisiativa hanesan Joven hakarak kontribui no dezenvolve Rai Ida ne’e,” Imaculada hakotu.
Estajiadu MD : Zimidonio Martins
Editór : Orlando Magno
