(Dili) Mudansa – Selebra Aniversariu loron proklamasaun independénsia Timor Leste 28 Novembru ba dala 47 hodi hanoin hikas eroi Sira Nia mate no luta ba Rai Timor.
Veteranus Domingos Gonsalves “Leaun Fronteira” informa, 28 novembru loron istóriku Tumor oan hotu-hotu presiza hanoin ba eroi sira nia mate ne’ebé uluk luta ba rai ida ne’e.
“Tempu ne’ebá, Indonesia tun derrepente hodi asaltu Timor ,Hau hanoin Fila fali ba Ita Nia saudozu sira nia luta ba rai Timor no Ita hanoin hikas fali Sira Nia mate ne’ebé luta iha tempu pasadu,” dehan Veteranus Domingos ba jornalista Media Mudansa iha jardín 05 de Maiu Dili, Segundu 28/11/2022
Nia konta, tempu ne’ebá hakarak atu defende hodi liberta nasaun Timor sai ukun an maibé Timor-Leste hetan apoiu husi nasaun ualu funu hasoru Indonesia ikus to’o Timor-Leste hetan ukun iha loron konsulta populár ne’ebá Mak hahú iha 1999.
“Hau hanesan militár ne’ebé tau farda militár nia hodi Dudu militár Indonesia maibé momentu ne’ebá la to’o Rohan Tamba Forsa indonézia Mai maka’as loos, La to’o Rohan tanba Ita la konsege ukun an maibé agora to’o ona ukun rasik an,” nia afirma.
Leaun Fronteira haktuir, naran kódigu Leaun Fronteira tanba momentu ne’ebá funu hahú iha dia 15 Agusto 1975 Forsa Indonesia tama iha fronteira husi Balibo Mai Kova.
Nia haktuir, momentu ne’ebá Laeun Fronteira hanesan militár Ida hatudu brani tanba hakarak Timor ukun an, la bele ta’uk Luta ba Timor atu ukun an brani ba oin ne’e Mak to’o Agora Timor-Leste ukun an.
Jornalista : Domingas Viana
Editór : Orlando Magno
