(Dili), Mudansa — Fundasaun Forum Komunikasaun Juventude(FFCJ sigla portugés), Óratoriu Dom-Bosco Bálide, Selebra aniversáriu bá dala 25, ne’ebé ezisténsia ho espíritu Dom Bosco nia iha tinan hirak liu ba.
Prezidente Fundasaun FCJ Cipriano Oliverira informa, grupu ida ne’e hamriik ho espíritu Dom-Bosco, tuir oratóriu iha Balide, madre sira tama timor iha tinan 1990, no mós 1991 mai iha Balide hetan oratóriu.
“Ami harii fundasaun ida ne’e ho espíritu Dom Bosco nian hakarak joven sai animadór iha kapasidade lideransa, no buat ne’ebé ami halo maka karidade bá ema kiak sira” dehan prezidente fundasaun FCJ Cipriano ba média Mudansa hafoin remata serimónia aniversáriu F-FCJ bá dala 25 iha Bálide, sesta 16/09/ 2022.
Prezidente Fundasaun FCJ Cipriano esplika, Primeiru sira harii grupu ida ne’e ho naran, Forum Komunikasi Putra-Putri Oratori SMA Bálidde, tanba tempu ne’ebá iha madre balu lakohi sira atu uza Naran Dom Bosco nian.
“Ami bá ko’alia ho madre Teresa, nia lakohi ami uza naran Dom-Bosco, maibé ami bolu fali Pe. Andre Bord iha ne’ebá ami ko’alia barak nia (Pe. Andre) hatete Dom Bosco la’os padre ka madre nian de’it, se mak iha espíritu Dom Bosco nia bele uza Dom Bosco nia naran,” Cipriano relata.
Cipriano argumenta, Fundasaun FJC sei kria pájina ida ko’alia kona-ba direitu labarik nian, tanba agora iha timor barak liu ko’alia kona-ba polítika maibé la ko’alia liu kona-ba vida ekonomia sosiál nian ne’ebé forma ema.
“20 novembru tinan ne’e, ita sei halo ita festivál múzika hakarak ou lakohi ita tenke halo, bá ha’u-nia alin sira husi Universitariu UNPAZ ko’alia to’ok ho ita-nia dosente sira atu ita bele halo semináriu ida kona-ba direitus labarik hodi selebra loron internasionál bá direitu labarik,” nia Afirma.
Iha parlamentu aprova ornamentu protesaun labarik mane no feto sira, lei violénsia doméstika protesaun labarik nia parte akompaña husi 2002-2004, diskute uluk lei protesaun labarik no lei violénsia doméstika.
“Dala ida tan agradese, Dom Bosco ho nia espíritu, Moto ida dehan katak gosta uluk buat ne’ebé maka labarik gosta, Nune’e labarik sei gosta saida maka ita gosta,” Prezidente Fundasaun FCJ Cipriano hakotu.
Jornalista : Azelio da Cruz
Editór : Orlando Magno
