(Díli), Tasi Tolu, 31/08/2026 – Komisaun oragnizadora ne’ebé responsavel ba preparasaun prosesu transladasaun restus mortais no serimónia homenagem ba Monsenhor Martinho Lopes kontinua halo preparasaun no koordenasaun ho Igreja, Governu, Forsa Defeza no Seguransa, autoridade lokal no servisu saúde.
Tuir Ministério Administração Estatal (sigla-MAE)” Tomás do Rosário Cabral hatete, Koordenasaun ne’e halo hodi asegura prosesu transladasaun ba restus mortais no serimónia relijiozu no atividade ofisiál sira bele lao ho di’ak, seguru no tuir programa ne’ebé planeadu ona husi komisaun.
nia deklara,durante loron 28, 29 to’o 30 fulan Agostu, komisaun halo observasaun no preparasaun iha fatin importante sira, inklui iha área ikus maka Aeroportu internasional nicolau Lobato Díli, ne’ebé sei sai pontu importante ba movimentu delegasaun ho transporte no atividade ofisiál sira.
“Responsabilidade ne’e la’ós ba parte ida de’it, maibé responsabilidade hamutuk atu asegura prosesu transladasaun no serimónia sira bele lao ho di’ak,” hateten Ministério da Administração Estatal (MAE)” Tomás do Rosário Cabral 31/08/2026.
Tuir programa ne’ebé prepara ona, iha loron 2 fulan Setembru, prosesu transladasaun Monsenhor Martinho Lopes sei hahú hosi Laleia, ho partisipasaun hosi sarani katolika,Governantes no autoridade lokal sira.
nia salienta,iha rezidénsia, sei realiza serimónia ho tempu espesífiku, inklui atividade kulturál, antes prosesu kontinua ba igreja.
nia salienta, hosi serimónia homenagem, sei iha momento relijiozu no orasaun iha igreja. no momentu ne’e, Prezidente da Repúblika (PR) sei halo diskursu no fó homenagem ba Monsenhor Martinho Lopes iha konteksu komunidade no povu Timor-Leste.
Enkuantu iha loron 4 fulan setembro, hafoin misa eukaristia, prosesu transladasaun sei kontinua ba Munisipiu Díli. No sei halo preparasaun kontinua ba atividade iha Igreja Fátima, Katedral no fatin relijiozu sira seluk nafatin akompaña husi Guarda-honra militár no serimónia ofisiál sei realiza ho partisipasaun hosi autoridade Estadu no lideransa Igreja sira. No loron 9 fulan Setembru, ne’ebé Governu planeia atu inaugura no entrega monumentu Museu Papa João Paulo II hanesan forma homenagem ba Igreja Katólika no figura importante sira ne’ebé iha kontribuisaun ba istória no dezenvolvimentu Timor-Leste. Hafoin iha loron 10 fulan setembro, atividade sei kontinua ho serimónia seluk, inklui programa médiku no kobertura direta hosi mídia sira.
Jornalista : Ana Maria//Madalena da Silva
Editor :Manuel Andrade
