(Aileu)-Fahisoi- Komunidade suku Fahisoi Posto Administrativu Remixiu Munisipiu Aileu,lamenta ho kompañia Bintan Fazar Unipesoal Lda,ne’ebé halo konstrusaun estrada liga entre suku Fahisoi ba Suku Fadabloko hahú husi tinan 2022 to’o agora seidauk entrega, enkuantu komunidade sira, la menta ho kualidade Estrada ne’ebe la iha,no laiha iha fiskalizasaun husi Parlamentu Nasional.
Atual Xefe aldeia Maktoba Egido Carvalho Mendonça,deklara ho estrada ne’ebé konstrui husi kompañia Bintan Fazar Unipesoal Lda, ho distansia Kilometro haat (4 KM), husi ekipa tékniku la ba observa no fiskaliza, tamba ne’e la iha kualidade,iha tinan hira nia laran deit estrada a’at no kuak hotu.
“Projetu ne’ebé kostrui husi Kompañia Bintan Fazar Unipesoal Lda,dau-daun konstrui hela estrada ne’e laiha kualidade, tamba la tau masa simenti dauluk husi okos hafoin tau fatuk ba, la hada didiak, ami presija kostrui estrada ne’e ho kualidade uituan, atu nune’e ami uza bele to’o tinan naruk, ne’e la oras naksobu ona, ida tan durante hala’o estrada no serbisu, ekipa husi Ministeriu Obras Públika nunka mai halo observasaun tamba ne’e, ami konsidera estrada ne’ebé kostrui la iha kualidade. Husu ba Ministeriu Obras Públika orsamentu ne’ebé lori konstrui estrada ne’e osan ba povu nian hodi halo dezenvolvimentu ba povu ne’e halo ho kualidade atu nune’e bele uza to’o tinan naruk”, dehan Xefe Aldeia Maktoba Egido Carvalho Mendonça ba jornalista Media Mudansa foin lalais ne’e.
Iha fatin hanesan xefe suku Fahisoi Nelson Carvalho hatutan, konstrusaun estrada ne’ebé kaer husi Kompañia Bintang Fazar ho distansia kilometru Ha’at(4), ekipa tékniku presiza observa bebeik iha tereñu nune’e bele kontrola masimu ba Estrada nia kualidade, no trabalhadór sira serbisu ho seriu, tamba kompañia ne’ebé forñese material fabrika no material lokal sira labele atraza ba projetu ne’e.
“Projetu Estrada ne’e konstrui seidauk remata, tamba kompañia ne’ebé fornese material, fabrika ho matrial lokal atraza, hodi difikulta ema sira ne’ebé serbisu iha tereñu. material sira hanesan sementi kompañia fornesedor sira maka hatama atraza duni, tamba ne’e traballador sira ne’ebé serbisu tarde, trabalhador sira laos duni osan, sira hakarak dalan ne’e diak no kualidade”, Hatuan Xefe Suku Fahisoi
Nia deklara, husi parte autoriedade lokal sira halo ona pedidu ba iha Ministeriu Obras Públika(sigla-MOP) maibé seidauk iha resposta ba sira nia ezijensia ne’e, tamba ne’e sira nafatin alerta no husu ba Ministeriu Obras Públika(sigla MOP) atu tun direita hodi halo fiskalizasaun ba iha konstrusaun estrada ne’ebé halao iha suku ne’e.
’’ami hato’o ona ami nia pedidu maibé seidauk iha resposta, estrada ne’ebé konstrui ka hadia husi tinan 2022 to’o agora seidauk entrega maibé nia kondisaun a’at fali ona no sei iha prosesu re-intensaun ho osan 10%, maibé sei laiha responde ’’ dehan nia
Entertantu relasiona ho lamentasaun komunidade nian ne’e ekipa jornalista Média Mudansa tenta halo kontaktu ba na’in Kompañia Bintan Fazar Unipesoal Lda, maibé la iha responde, enkuantu Suku Fahisoi iha uma-kain hamutuk 415 no populasaun hamutuk 2013 ,no komunidade hirak ne’e husi aldeia tolu kompostu husi aldeia Mautoba, Bere Liurai no Derohati.
Jornalista :Francisco Pereira
Editor :Sandi Bello
