(Díli) Farol Hak- Prezidente Plataforma Nasional Bee Saneamentu Timor-Leste (PN-BESI-TL) no Programa Nasional Dezenvolvimentu Suku (PNDS) halo dialogu oinsá atu garante fornesimentu Bee mo’os no saneamentu ba komunidade sira iha territoriu laran tomak.
Prezidente Plataforma Nasional Bee Saneamentu Timor-Leste (PN-BESI-TL), Esmenia Laura Simenes, deklara, plataforma nasional ba Bee Saneamentu no Higiene ka PNDS ne’ebé mak hari organizasaun Naun Governamental hamutuk sanulu resin Haat (14) ne’ebé mak durante ne’e halo servisu advogasia ninian, husi nivel Munisípiu to’o ba iha Nasional ligadu ba Dezenvolvimentu Bee mo’os no Saneamentu Higiene iha Timor-Leste.
“Razaun Prinsipal Ida ne’e hanesan kontinua forma iha servisu advogasia no oinsa atu fornese bee ba Komunidade atu bele asesu ba bee mo’os Saneamentu no Higiene iha Timor-Leste, ita hatene katak setór bee mo’os no Saneamentu ne’e mós hanesan direitus humanus báziku ne’ebé mak sidadaun hotu-hotu tenki asesu hodi garante ba moris saudavel nian”, dehan Prezidente Plataforma Nasional Bee Saneamentu Timor-Leste (PN-BESI-TL), Esmenia Laura Simenes ba jornalista sira iha falor hak, kinta,27/02/2025
Prezidente (PN-BESI-TL) informa katak, estadu liu husi IX Governu atu halo planu no estrategia dezenvolvimentu nasional ba tinan 2030 territoriu Timor laran tomak tenki asesu hotu ba bee mo’os, no mós ba politika nasional no Saneamentu báziku ne’ebé mak determina iha 2020 ne’ebé mak atu atinje deklarasaun Alfa ne’ebé mak lakonsege atinje númeru metas iha Munisípiu balun.
“Politika organizasaun iha visual no populasaun kada tinan impaktu ba Bee Mo’os no mós prezudika iha teritoriu tomak, iha fatin Ida ne’ebé mak Ita konsidera sai hanesan problema bo’ot, iha kolokasaun orsamentu jeral do estadu ne’ebé mak koloka hamutuk orsamentu ida ne’e, no mós Ita hatene katak setór hanesan setór privadu ida, i no mós hanesan Politika husi Primeiru Guverno to’o IX Guverno konstitusional,” nia afirma
Iha Fatin hanesan.Prezidente BTL.EP Sr.Custavu da Cruz Hatutan tan katak, dialogu ida ne’e garante fornesimentu Bee no Saneamentu ba komunidade sira.
“Topiku ida ne’e oinsá atu garante ne’e iha parte barak ne’ebé hodi kontribui ba povu tomak la’os ba iha sosiedade sivil de’it, maibé Komunidade tomak nia konsiensia atu kontribuinia, iha tinan ruanulu liu ba governu no parseiru sira halo, maibé liu tinan ida ga rua sei fali fasilidade sira Bee no Saneamentu ne’ebé sai a’at tenke sulan fali ba kanu laran no halo airin”, nia tenik
Alende ne’e mós parte BTL. E.P apresia tebes liliu governu nia apoiu husi dialogu sira hanesan ne’e fahe informasaun ba publiku para atu hatene katak governu la halo servisu mesak de’it maibé iha nia parseiru sira atu servisu hamutuk.
“Ita nia atividade Ida ne’e atu hafanu malu nafatin,Ministeriu Obras Publika nia atividade rua ne’ebé importante mak empreza Bee Timor-Leste no Eletrisidade, Iha ne’e Mudansa balun ne’ebé mak ita halo oitavu Governu no mós mai iha IX Governu kontinua, tanba Tinan ruanulu liu ba kuandu setór sira ne’e estrutura diresaun geral nian”, hakotu nia
Estajiada: Rogerio Anuno / Hilario Chayfan
Editora: Gaudencia Belo
