Dili (Mudansa)-Timor-Leste Prees Uniaun (TLPU), hanesan organizasaun ne’ebé mahon no defende produtu jornalistiku, liu husi atividade formasaun hodi forma produtu jornalistiku sira ho profisional liu tan tuir kode etika no lei komunikasaun sosial ne’ebe mak iha.
Tuir Prezidente organizasaun Timor-Leste Prees Uniaun (TLPU) hateten Objetivu husi seminariu ne’e mak jornalista sira tenki halao kna’ar tuir lei komunikasaun sosial ne’ebe iha, nune’e mos seminariu ne’e mos hanesan formasaun ikus ba tinan 2024 no antes jornalista sira ba partisipa iha eleisaun konsellu imprensa (K.I).
“Ita koalia Kona-ba oinsa Jornalista atu bele hato’o Tuir Lia los no oinsa Jornalista atu difini faktu lolos Tamba ne’e Maka fo Hanoin ba malu Kona ba Ita Nia knar no Ita Nia misaun hanesan jornalista “, Dehan Prezidente TLPU ba Jornalista iha Salaun Fokupers Farol, Dili Kinta(12/12/2024).
Iha Fatin hanesan Sekretariu Estadu Komunikasaun Sosial (SEKOMS) Expedito Loro Dias reforsa, nia parte sente orgulho tebes bainhira hola parte ba abertura Seminariu ho tema ” Importansia Lei komunikasaun sosial ba media no publiku ” ne’be mak organiza husi Timor – Leste Press Uniaun(TLPU).
“Lei Komunikasaun sosial nia impaktu ba iha sosiedade Sira hotu, ohin Hau ko’alia Kona ba prinsipiu Basiku Lei Komunikasaun sosial no oinsa komunidade media sira bele fo atesaun ba kualidade informasaun” relata SEKOMS.
Expedito Loro Dias salienta, iha kualidade informasaun tenki respeita ba kodigu etika Jornalista nian, tamba kodigu etika Jornalista mak bele dehan katak trafiku Ida ba komunidade media saida mak labele halo.
“Ohin Hau koalia oituan Kona ba prinsipiu retafikasaun ho Dereitu de resposta tantu iha prinsipiu basiku Lei Komunikasaun sosial nebe’e oinsa Kona ba orgaun Komunikasaun Sosial nian ne’e tenki halo, bainhira konsekoensia husi Sira nia servisu produtu jornalistiku nian” nia deklara.
Nia hateten, Seminariu ne’e importante tebes ba Jornalista Sira ne’ebe tama iha Timor-Leste Press Uniaun (TLPU) no mos ba jornalista sira hotu nebe’e halao knar iha Timor-Leste konaba lei Komunikasaun Sosial ne’ebe regula papel Konselho Imprensa nian.
Jornalista : Zemidonio Martins
Editór :Sandi Bello
