(Lautem) Mudansa-Sekretariu Estadu Floresta (SEF) Liu husi Ministeriu Agrikultura Pekuaria Peskas no Florestas (MAPPF) halo Lansamentu kuda AI-Horis iha Jardin Arboretum Munisipiu Lautem, Postu Administrativu Tutuala ,Suku Mehara ,Aldeia Irakusalu-Mehara.
Tuir Sekretariu Estadu Floresta (SEF) Fernandino da Costa Vieria informa, Lansamentu kuda AI-Horis iha Jardin Arboretum hanesan oportunidade Ida hodi halo distribuisaun ba Ai – Horis ne’ebe iha teritoriu Timor laran tomak iha tinan Ida ne’e.
“area nebe’e mak ita kuda ai-oan ba hectare 29 no Ai-Horis ne’e Ita kuda hela ne’e, maioria espesies ai lokal nian ne’ebe mak Ita kuda iha Timor Leste,” Dehan SEF Ba Jornalista Iha Jarding Arboretum (20/12/2024)
Nia sublina, Ai oan ne’ebe kuda iha Fatin ne’e por Volta 200 espesies hanesan kada espesies ne’e por Volta 20 espesies ne’ebe Mak kuda iha Fatin refere, tamba nee nia espera area ne’ebe husi 29 hektares ne’e sei kuda iha tinan ida ne’e to’o remata.
“Ita espera katak Aban bainrua sai hanesan fatin peskiza, Fatin rekreasaun, no Fatin ba saude nian Tamba Ai-Horis balun mos hanesan utiliza ba Medisina nian, Tamba ne’e Mak Fatin ne’e importante tebes,” relata SEF Salienta.
Nia haktuir tan, iha lansamentu ne’e Vice Primeiru Ministru (VPN) Mariano Asanami Sabino mos rekomenda katak, ai-horis Sira ne’ebe’e mos balun bele fo naran uza Ita nia heroi Sira nia naran.
“Ai-Horis ne’ebe produs iha Sentru Viveirus Permanente, no hanesan iha Munisipiu tolu (3), Lautem, Betano, Manufahi, no iha Viqueque nian, deklara, SEF.
Sekretariu ne’e salienta, Orsamentu ne’ebe gastus ba lutu ne’e por Volta $10.000 Mill ne’ebe aloka iha orsamentujeral Estadu tinan 2024.
Entretantu iha Seremonia Lansamentu kuda Ai-Horis ne’e hetan partisipa husi Ministeriu Agrikultura Pekuaria Peskas e Florestas (MAPPF), Vice Primeiru Ministru (VPM)Mariano Asanami Sabino, Sentru Guarda Florestas (CGF) Polisia Nasiona Timor Leste (PNTL) Postu Administrativu Tutuala, Komadante Falintil Forsa defesa Timor Leste (F-FDTL) Mau Nana, Autoridade Suku, Autoridade, Aldeia no komunidade Sira husi Postu Administrativu Tutuala Suku Mehara Aldeia Irakusalu-Mehara.
Jornalista : Zemidonio Martins
Editor :Sandy Bello
