(Dili) Mudansa-Diretor Atual ezekutivu JSMP Ana Paula Marcal hateten, Objetivu husi Lansamentu relatóriu Violénsia Bazeia ba jeneru oinsa atu publiku komprende kona-ba persepsaun no satisfasaun iha parte hotu, oinsa atu bele fo protesaun ba vitima sobre-vivente sira.
Lansamentu Relatóriu ne’e organiza husi Programa Monitorizasaun Sistema Judisiariu (JSMP, sigla Ingles) hamutuk ho parseria sira ho tema persepsaun no satisfasaun husi parte sira no atendementu justisa iha kazu Violénsia Bazeia ba Jeneru iha Timor-leste.
“Objetivu husi lansamentu relatóriu ne’e maka oinsa publiku atu komprende kona-ba persepsaun no satisfasaun husi parte hotu-hotu ne’ebe ko’alia kona-ba kazu refere, survey ida ne’e antes iha tinan kotuk iha 2023, oinsa ita atu komprende satisfasaun no persepsaun husi parte saida de’it maka uja atendementu servidor sira husi tribunal nia ka fornesedor servisu justisa nia,” Dehan Diretor Atual ezekutivu
JSMP Ana Paula Marcal ba Jornalista sira iha Hotel Timor Quinta ne’e 19/12/2024Nia hatutan relatóriu ne’e sei distribui ba ofisial Judisiariu sira ne’e be hola parte ba iha kazu ida ne’e oinsa atu hare ba futuru bele halo justisa ida ne’ebe maka los no justu liu.
“ami nia relatóriu ne’e sei fahe ba tribunal ofisial Justisa Juiz sira prokurador jeral, jurudiku advogadu privadu sira no mos iha ambitu militar ami mos ko’alia kona-ba ba servisu husi polisia sira sei iha protesaun mos ba parte hotu-hotu ajuda malu hanesan parte governu, parte tribunais, polisia sira atu halo atendementu ba vitima sira ba sobre-vivente sira ita bele hamutuk halo servisu di’ak liu tan,” Nia Hakotu
Iha fatin hanesa Reprenzentante Prezidente Tribunal Rekursu Meritisima Juisa Konselleru Natercia Gusmaun hatutan katak, relatóriu ida ohin JSMP landa dadaun atu hare persepsaun no satisfasaun husi parte sira ba iha atendementu autoriu Judisiariu sira.
“Ha’u husi parte relatóriu sira ne’e di’ak tanba sira foka liu ba oinsa atu atendementu ba tribunais sira kona-ba kazu sira violénsia kontra bazeia ba jeneru di’ak tanba iha relatóriu ne’e mos opendida vitima ou arguido barak mak seidauk kompriende tribunais nian ne’e kona-ba konteudu husi dezisaun ne’e tulun husi advogado no depensor sira tenke halo kle’an liu dezisaun ba iha nia kliente sira,” Nia Afirma
Nia informa tan katak, husi tinan ba tinan halo tentavivas oioin atu kombate violénsia bazeia ba jeneru ne’e laos Tribunal mesak husi sosiadade sivil oinsa atu hamutuk hodi kombate violénsia Bazeia ba jeneru.
” Violénsia sira ne’ebe mak akontese mak fizika fiskolojika no mos violénsia seksuais hasoru labarik sira ne’ebe mak ho numeru ne’ebe a’as ha’u la iha dadus maibe violénsia seksual hasoru labarik sira a’as,” Nia Relata
Entertantu iha Lansamentu ne’e hetan apoiu husi Sekretária Estadu Igualidade no Inkluzaun (SEII), Ajénsia kooperasaun internasionál Korea (KOICA, sigla inglés) United Nations Population Fund- Wikipedia (UNFPA) International Organization for Migration (IOMUN) UN WOMEN Timor-Leste Organizasaun internasionál, United Nations Devolopment Programme (UNDP, sigla inglés)
Jornalista : Gaudencia Belo/ Remigia Locateli
Editor : Sandy belo
