(Díli) Mudansa-Eis reprezentante Espesiál Sekretáriu-Jerál Nasaun Unidas bá Timor-Leste no Xefi missaun manutensaun no konsólidasaun páz, UNMISET, UNOTIL no UNMIT, Sukehiro Hasegawa, hateten, hafoin ukun-aan tinan 25, Timor-Leste iha ona progresu dezenvôlvimentu ne’ebé di’ak.
“Timor-Leste iha progresu barak dezde ha’u husik hela Timor durante tinan hirak nia laran, Timor-Leste agora sai ezemplu bá Nasaun hotu-hotu iha mundu,Timor-Leste nia Demokrásia di’ak tebes, tanbá Governu troka malu la’o ho pás,”dehan Eis Reprezentante ONU, hafoin hasoru malu ho Primeiru Ministru (PM), iha Palacio Governu, kuarta-feira(28/08/24)
Tuir nia Observasaun, iha Timor-Leste atinje mudansa ida ne’ebé di’ak ho lideransa Primeiru-Ministru, Kay Rala Xanana Gusmão hanesan mós eis Prezidente Repúblika,nia sujere, bá Timor-Leste atu dezenvólve an di’ak liu-tán iha parte infraestrutura la’ós de’it iha Díli, maibé mós iha área rurál sira.
Ha’u mós, kontente tanbá Timor-Leste nu’udár membru ONU nian haruka ona Militár Forsa Falintil Defeza Timor-Leste (F-FDTL) hodi partisipa iha Peace Keeping no espera katak Timor-Leste bele partisipa mós iha atividade sira seluk ONU nian,nu’udár akadêmiku ida, edukadór, autór no Administradór Japonês, Servi hanesan Reprezentante Espesiál Sekretário-Jerál Nasaun Unidas bá Timor-Leste no Xefe misaun manutensaun no konsolidasaun páz nian, UNMISET, UNOTIL no UNMIT, hahú hosi Maiu 2004 to’o Setembru 2006.”Nia hakotu
Jornálista: Ana Ribeiro
Editóra: Delfina Borges
