(Díli) Mudansa- konsellu Imprensa (CI sigla Português) selebra asina Akordu Kooperasaun ho United Nation development program (UNDP) iha area kapasitasaun bá Jornálista kona-bá espesifikamente iha área rua hanesan Jornalizmu Ambiental,debate públiku
Prezidente Konsellu Imprensa (CI sigla Portugués), Otelio Ote hateten, atividade serimónia ida ohin konsellu Imprensa servisu hamutuk ho United Nation development program (UNDP) hodi asina akordu kooperasaun kapasitasaun formasaun bá Jornálista sira sei fahe bá parte rua hanesan formasaun ida haree liu bá iha Jornálizmu ambientál no formasaun ida haree liu bá iha debate públiku.
“Kooperasaun ne’e atu kapasita Jornálista sira liu husi formasaun sei fahe bá parte rua hanesan formasaun Jornálizmu ambientál no formasaun debate públiku formasaun ne’e haree liu bá iha Jornálizmu ambientál no formasaun ida haree liu bá iha debate públiku,formasaun Jornálizmu ambientál sei fó bá Jornálista hamutuk atus-ida lima-nulu (150) Jornálista hirak ne’ebé sei tuir formasaun ne’e sei fahe bá klase tuir oráriu ne’ebé iha ona nomós formasaun bá iha debate públiku nian,”dehan Prezidente CI, iha salaun CI, kintal Bo’ot, tersa-feira (27/08/24).
Nia hatutan, sei halo unidade bá iha media sira depois ikus mai sei iha teste debate bá Jornálista hirak ne’ebé atu tuir formasaun debate públiku ne’e sei bá hatudu sira nia debate públiku iha media hanesan iha Radiu Televizaun Timor-Leste ( RTTL).
“Formasaun ida ne’e importante tebes tinan ida ne’e ita konsentra fó formasaun bá Jornálista sira haree liu bá iha Jornalizmu amibientál atu nunee Jornálista sira bele hatene oinsá maneira atu kobertura iha área Jornálizmu amibientál,Jornálista hirak ne’ebé atu tuir formasaun debate públiku ne’e sei bá hatudu sira nia debate públiku iha media hanesan iha Radiu Televizaun Timor-Leste ( RTTL).” Prezidente CI hakotu
Jornálista:Ana Ribeiro
Editóra:Delfina Borges
