(Dilí) Mudansa – Estudante Universidade da Paz (UNPAZ) liu hosi Fakuldade Saúde Publlika realiza atividade seminar HIV-SIDA oinsá sinsibíliza informasaun kona-bá prevensaun transmisaun HIV-SIDA no moras daet sira seluk.
Mai hamutuk proteje Timor-Leste hosi problema transmisaun HIV-SIDA, sexu livre bele destroi ema nia saúde iha futuru no kaben sedu bele destroi ema nia futuru.
Instituto Nasionál Combate HIV-SIDA.I.P nuda’ar Instituisaun Estadu ne’ebé hari’i hosi Dekretu-lei nu.2/2021, 11 de Janeiro, atribui responsavél hodi define, koordena no apoiu implementasaun estrátejia Nasionál no planu asaun bá kombate HIV-SIDA iha Timor-Leste.
Tuir Diretór Tekniku Superior Promosaun Prevensaun no komunikasaun (TSPPK) Silvestre da Costa hateten, iha númeru sensibílizasuan sa’e makas bazeia bá dadus ne’ebé mak sira iha katak popúlasun iha Timor, hamutuk (11.3 Milloins) maibé, atinjimentu informasaun ne’ebé mak sira fahe ne’e 11% ne’ebé bo’ot ho data mós tanbá ema barak mak seidauk rona informasaun ne’e mak sira nia gravamentu.
“Maibé hosi media sira ne’ebé agora atu partilla informasaun ne’ebé lós bá iha ita nia sosiédade sira, ho espera katak bele muda ema nia mentálidade, no muda ema nia hanoin ne’ebé moris hahalok ne’ebé livre hosi asaun hirak ne’e bá iha metodu ida ne’e,” dehan Diretór (TSPPK) bá Jornálista iha salaun UNPAZ,Tersa-Feira, (16/07/24)
Diretór(TSPPK) akresenta,dala barak ema hatene katak HIV-SIDA ne’e hare bá ema ne’ebé labele ona atu kura tanbá ida ne’e mate nian.
“Agora sé ita haree bá teknólojia ida ne’e katak Kazu ida ema rihun-rua (2.000) resin, mak afetadu bá ida ne’e no númeru kontinua aumenta,tanbá ema laiha konsiénsia no rona tiha informasaun,maibé la tau iha prátika,ita tenki servisu hamutuk ho entidade hotu-hotu para atu kobre informasaun ne’e iha Nasionál, iha Munisipiu nomós Eskola Sekúndariu sira hanoin ita hotu koopera hamutuk ho Estudante Universidade da Paz (UNPAZ) ita mai iha ne’e para atu dezimiña informasaun bá Estudante sira ne’ebé iha area saúde nian,”Silvestre da Costa afirma
Iha fatin hanesan Senadu Fakuldade Saúde Pulúblika e Siénsia Medika (FSPSM) UNPAZ Sonio Moniz mós hatutan,objetivu husi seminariu ne’e hodi kombate HIV-SIDA kona-bá grafiku ho numeru ne’ebé mak aas iha Timor-Leste.
“Hau Senadu iha Fakuldade Saúde Públika e siénsia Medika atu minimiza Kazu bá númeru sira hotu no liu-liu ba Kazu HIV-SIDA ne’ebé mak aas tebes iha Timor-Leste,koñesimentu sai nuda’ar armas ida ne’ebé mak ita atu garante hodi ita bele lori oinsá atu minimiza moras hirak ne’ebé mak ohin loron seidauk ataka bá lidun sira hotu,ita hakarak ka lakohi tenki prevene, minimiza liu hosi seminariu, diskusaun entre estudante ho nune’e hodi eleva estudante sira nia kapasidade no koñesimentu atu bele halo auto prevensaun bá moras HIV-SIDA, liu husi seminar” Sonio hakotu.
Senadu ne’e salienta,atividade ida ne’e hetan partisipasaun masimu hosi estudante Universidade da Paz (UNPAZ) Fakudade Saúde Públiku e Siénsia medika nomós partisipasaun hosi estudante sira hotu.
Jornálista : Zemidonio Martins/Guadencia Belo
Editóra : Delfina Borges
