(Dili) Mudansa– Traballadór Re-entri Epifania Lusa Da Costa hateten, nu’udar sidadaun Timor oan ida sente orgullu tebes tanba governu liu husi Sekretáriu Estadu Formasaun Profisionál no Empregu (SEFOPE) bele kria programa laboral mobility nune’e Timor oan ne’ebé tuir tes bele hetan oportunidade ne’ebé di’ak hodi ba servisu iha Australia dala-neen ona
” Ha’u sente agradese no orgullu tebes ba Governu liu husi (SEFOPE) tanba bele kria Programa ida naran Laboral Mobility no ha’u hetan oportunidade ba faze agora ne’e ba dala-neen ona servisu iha Australia, no ha’u servisu iha Restaurante Ospitalidade no area waiters, maibé menejer hare, ha’u nia komportamentu servisu di’ak entaun iha ne’eba menejer foti ha’u hanesan Tim Lider iha Restaurante refere,” Dehan Epifania ba jornalista sira, iha Timor Plaza Suai room, Dili Sigunda 13/05/2024
Trabalhdór hatutan, durante nia servisu ne’e rezultadu osan agora dau-daun halo ona ba Restaurante kafe nian, maibé sei iha hela prosesu nian laran, espera tinan oin bele fó sai rezultadu ne’ebé mak di’ak.
“Restaurante kafe ne’ebé agora dau-daun sei iha prosesu nia laran ne’e, nune’e ha’u fó fiar ba alin mak haree no tau matan ba, maibé ha’u fó osan nesesidade bázika nian.” Dehan nia
Traballadór ne’e mensajen ba Timor oan sira katak atu ba servisu iha Australia tenki badinas on time hodi hatudu atitude ne’ebé mak di’ak, atu nune’e banhira kontratu remata karik kompaiña ka menejer presiza no bolu nafatin hodi ba servisu iha Australia nu’udar traballadór.
Jornalista : Gaudencia Belo
Editór: Delfina Borges
