(Dili) Mudansa- SEFOPE liu husi Diresaun Nasional Emprego Estrangeiro (DNEE) informa katak ba aplikante ne’ebé maka aplika ba vaga PALM Scheme online iha fulan Marsu 2023 nia ne’ebé mak tuir ona eskrita ate agora seidauk taka sai naran tanba, sei iha hela prossesu de koreksaun ho numeru aplikante husi munisipiu Sanulu Resin Tolu (13) inklui RAEOA hamutuk 50.578 (Rihun limanulu resin Lima Hitunulu Resin Ualu) kompostu husi feto 19.314 no mane 31.264.
“Vaga online ne’ebé liu ba ita teste eskrita iha Munisipíu hotu-hotu ita sidauk públiku sai tanba agora dadaun ita prepara ba atu halo koreksaun no korije ba Matéria ne’ebé trabaladór sira teste, ita sei konvida instituisaun sira hotu atu mai asisti karik iha posibilidade hanesan Comissão Anti-Corrupção (CAC-sigla portugues) Institutu Jestaun Ekipamentus (IGE- sigla Portugues) no Provedoria Ba Direitus Humanus No Justisa (PDJH) para mai partisipa,” Dehan Diretor Jeral SEPOFE Carlito Rosario Cabral ba Jornalista Sira iha Suai Room Timor Plaza Dili, 13/05/2024
Diretor Jeral hatete tan katak, atu garantia prossesu de koreksaun ne’e no evita atu labele halo familiarismu SEPOFE ho nia ekipa iha hanoin ida atu halo koreksaun ba matéria sira ne’e sei komunika CAC, IJE no PDHJ hodi partisipa iha prossesu koreksaun ne’e.
“Koreksaun Materia sira ne’e atu ita bele garante katak prossesu ne’ebé ita halo hanesan ema balun hateten katak iha politismu familiarismu partidarismu politiza buat sira ne’e ita atu evita entau ami ekipa ida hanoin atu halo koreksaun matéria sira ne’e ita sei komunika ho CAC, IJE no PDJH sira hodi parsipa prossesu sira ne’e karik iha posibilidade,” Nia Afirma
Nia akresenta liu tan katak,Aplikantes sira ne’ebé mak tuir ona teste eskrita hamutuk 50.578 lalimita tanba ne’e direitu ema nia no desizaun husi empregador sira mak bele deside hodi bolu traballadór sira ne’ebé hatudu sira nia servisu di’ak.
“Aplikantes ne’ebé foin dadauk tuir teste ne’e ita lalimita ne’e direitu ema ida-idak nia desizaun ne’e laos ita mak deside maibé empregador patraun sira mak deside bolu fali sira nia traballadór ne’ebé hatudu servisu di’ak ne’ebé ita lalimite, Maibé ita husu para sira nia prepasaun tenke Prepara an di’ak atu to’o tempu ruma sira bele ba servisu iha ema nia rai,” Hakotu Diretor Jeral
Jornalista: Gaudencia Belo
Editór : Delfina Borges
