(Dili) Mudansa– Ministeriu saúde hetan apoiu ekipamentus preventiva tonelada sanolu (10) hosi GX fundation hodi kombate moras denge ne’ebé dadaun ne’e númeru aas iha Timor-Leste liu-liu iha kapitál Dili inklui mós munisípiu sira seluk.
Vise Ministru Fortalesimentu Institusionál Saúde, José dos Reis Magno informa, ohin oportunidade di’ak ba Ministra Saúde tanba hetan apoiu husi GX fundation liuhosi nia prezindente Leung Chung Ying, apoiu sira ne’e mak hanesan ekipamtentu ka materiál prevensaun nian hamutuk tonelada sanolu (10) ho objetivu atu kombate moras denge iha Timor-Leste.
“Ekipamentu mak hanesan Lampu ne’ebé atrai Susuk no mós lalar. Ekipamentu seluk mak hanesan fita hodi bele dada susuk no lalar hodi belit. Objetivu mak atu kombate moras denge iha Timor-Leste,” Dehan Vise Ministra Saúde José dos Reis Magno ba jornalista sira iha salaun Palasiu das Cinzas Dili, 23/01/2023
Nia realsa, Apoiu ekipamentu materiál sira ne’ebé ohin GX foundation ne’e apoiu ho objetivu seluk mak oinsa atu halo Kampaña bo’ot hodi bele kombate moras denge tanba agora ne’e tempu udan hodi kauza kazu moras denge sae ba Bei-beik.
“Ita espera katak ho ekipamentu sira, sei distribui ba postu Saúde hotu-hotu iha Timor laran tomak atu nuné bele Implementa. Ha’u lori Ministeriu Saúde Timor-Leste nia naran hakarak hato’o agradese Leung Chung Ying, Governu Xina ho Povu Xina ne’ebé maka ho vontade di’ak hakarak apoiu Timor-Leste iha Momentu ida hanesan ne’e,” Nia afirma
Nia hatete tan, Moras Denge ne’ebé rejista áas liu iha Timor-Leste mak munisípiu Dili hafoin Munisípiu sira seluk tanba ne’e mak Dili presija Kampaña makaas tebes, husi Média hotu-hotu ne’ebé eziste presija utiliza hodi hasa’e konsiênsia komunidade atu nune’e’e bele Prevene agora.
“Ho Ministeriu Saúde nia naran hakarak hato’o ba populasaun tomak katak prevensaun mak buat ne’ebé di’ak liu, labele hein moras mak ita foin ba sentru saúde maibé presija prevene, presija mós rona kampanã sira ne’ebé Ministeriu Saúde no nia parseiru sira halo hodi hao tuir,” Tenik Nia
Vise Ministru Saúde husu populasaun hotu Konsiente bainhira hetan sintomas ruma kona ba moras denge nia tenke ba lalais ospital ka fasilidade saúde ne’ebé basik atu nune’e bele hetan atensaun lalais. Stock ne’e natoon ona ba iha Timor-Leste hotu atu nune’e bele halo prevensaun ida diak liu no kontinua kampaña atu servisu ne’e susesu.
“Ha’u hanoin ne’e presija konsiente hosi Profesíonais da Saúde hotu katak ne’e hanesan Misaun ida, klaru mai ami hotu komesa husi Ministra Saúde to’o ba iha staf sira ne’ebé mak ho nivel base liu atu hotu konsiente dehan katak Saida mak Sua Exelência, Primeiru Ministru hato’o ohin ida né Signifika katak, Ministeriu Saúde tenki buka maneira para oinsa bele atinji indikador ida ne’ebé Satisfatoiu no ne’e Povu tenki senti,” Hakotu nia
Jornaliata : Gaudencia Belo/ Estajiadu Inácio Silva da Conceicão
Editór : Veraka
