(Dili) Mudansa – Ministru Juventude Desportu Arte no Kultura Nelyo Isac Sarmento, abertura ba eventu Juventude Lorico As’wain Fight Back Event, 12 De Novembru, tanba ne’e nia husu Boksista sira atu aproveita oportunidade iha eventu ne’e tanba Boksin mós bele lori Nasaun nia naran hale’u mundu.
“Hau husu imi uza oportunidade ida ne’e atu aprende no hatudu imi-nia talentu tan boksing sai hanesan modalidade desportu ne’ebé tenke kontinua hatudu atu loron ruma bele foti ita-nia rai iha mundu Internasional,” Nia dehan liu husi nia diskursu iha GMT Dili, Sesta 10/11/2023.
nia tenik, Iha fulan Novembro ida ne’e sempre fó timor oan hotu atu relembra fali kona ba istória ne’ebé motiva atu la’o ba oin, ne’ebé hahú kedas ho loron importante hodi hanoin ba juventude sira iha tinan 32 liu ba neebe lakon vida ba rai ida ne’e.
Sira ho vontade fó promulga ba liafuan ida de’it atu oferese sira nia vida hodi ohin loron ita hetan ukun rasik an Tanba ne’e iha momentu ida atu selebra loron espesiál ida ho atividade ne’ebé halo daudauk la’ós de’it atu kontente.
“Tenke relembra katak sei foti maluk juventude sira ne’ebé oras ne’e sei moris bele haksolok hamutuk ho ita no kontente ho eventu sira Ne’ebe dadaun ne’e ita realiza,” nia deklara.
Nelyo relata, mezmu ba sira ne’ebé la hamutuk ona iha mundu ida ne’e nia fiar katak ida ne’e duni mak sira buka tanba hakarak hare joven sira ho inisiativa kreatividade hodi dezenvolve nasaun Timor Leste liu husi atividade boxing.
“Hau hakarak uza oportunidade sira hanesan ne’e hodi hateten inisiativa di’ak kontinua, maibé ho liafuan ida de’it ne’ebé ita tenke kaer katak domin mak boot liu buat hotu hotu,” nia afirma.
Tanba ne’e maun alin sira liu liu atleta boxing sira mai hatudu imi-nia talentu boxing ho desportiva katak respeitu imi-nia adversáriu, árbitu sira no treinadór sira tanba iha ema esforsu ema ma lubuk ohin loron imi bele sai boksista Timor oan.
.
Jornalista : Esperansa Monteiro
Editór : Orlando Magno
