(Dili) CCD- Governu da-sia (9) konstituisional Liu husi Sekretariu Estadu Komunikasaun sosial (sigla-Sekoms) apresia ho plataforma Media Radio Televisaun,online dijital no imprime sira ne’ebe kontribui hodi halo kobertura ba Jogu CPLP dala XIII ne’ebe maka Timor-Leste sai uma nain ba jogu refere.
Tuir sekretariu Estadu Komunikasaun sosial (Sekoms) Expedito Loro Dias Hateten, Midia Sira nia kontribuisaun hatudu duni ba mundu katak Timor-Leste Nasaun ida ne’ebe prontu atu halo atividade oi-oin inklui iha atividade modalidade desportovu.
“Hau lori governu da-sia (9) konstituisional nia naran no sekretariu komunikasaun sosial hato’o agradese ba responsavel media sira no ba media konvensionais no mos media plataforma dijital online sira, Tamba media nia kontribuisaun ba jogu desportivu ne’ebe akontese iha Timor Leste, maka’s tebes liuhusi atividade kobertura “dehan Sekoms ba jornalista iha Media center CCD.
Governante ne’e deklara, Orgaun komunikasaun sosial hotu iha Timor-Leste hatudu duni sira nia papel importante no papel ne’ebe determinante ba iha promosaun Timor-Leste ba iha mundu tomak liu-husi atividade desportu.
“Timor-Leste ho atividades barak ne’ebe media kontribui durante ne’e no hahu kedas husi komemorasaun 25 anos referendu depois tuir kedan amu papa, depois tuir kedas vizita amu papa nian no atividade Sira seluk hanesan internasional nian no to’o ohin loron no media Sira husi orgaun komunikasaun sosial ho meus komunikasaun sosial ne’ebe iha hatudu duni ba mundu katak Timor-Leste mos bele halo atividade internasional sira iha Nia rai laran rasik,”Nia relata.
Nune’e Nia sublina, Sekretario Estadu Komunikasaun Sosial (sigla-Sekoms) observa media plataforma dijital online durante servisu Iha Jogu CPLP nian hahu kedan husi kontizenti no delegasaun husi estadus menbrus CPLP nian tama mai Timor-Leste no abentura jogu, nune’e mos nafatin halo kobertura ba atividade desportu hanesan futeboll, Voleiboll, Basketball, sagres, atletismu, badminton no jogu Sira seluk tan ne’ebe governu realiza iha Timor Leste.
“Hanesan Ita hotu hatene komunidade Sira ne’ebe iha Dili, munisipiu no mos iha diaspora Sira akompanha Liu husi transmisaun media sira nia kontribuisaun no fo duni resultadu ne’ebe Diak no Sira hatene duni Timor Leste nia kapasidade hodi realiza jogu CPLP 12 ba tinan ida ne’e” nia hakotu
Jornalista : Zemidonio Martins.
Editor :Manuel Andrade
