(Dili) Mudansa – Nonu Governu liu husi Ministeriu Interior sei tau preoridade ba asuntu importante ba Unidade Patrollamentu Fronteira (UPF), no mos sei fo formasaun ba Membru UPF oinsa atu uza Radio komunikasaun.
Asuntu nee hatoo husi Ministru Interior (MI), Fransisco da Costa Guterres hatete, dehan iha Palásiu Governu salaun auditoriu-PCM, ne’ebé MI priénse programa Meet The Press organiza husi Sekretáriu Estadu Komunikasaun Sosiál (SEKOMS), bainhira iha sesaun pergunta, Sesta 10/11/2023.
“Kestaun ida komunikasaun ne’e, Membru UPF sira iha, maibé la intende aat mak ida ne’ebé no balu la komprende utiliza radio ne’e oinsá, tanba balu loke mak la lian entaun sira tau tiha iha armariu laran, nune’e kaundu husu sira dehan rádiu la di’ak,” Ministru Francisco deklara.
Nia haktuir, antes nee Ministru Interior hamutuk ho nia ekipa halo ona observasaun direita iha postu sira neebe koloka iha fronteira hanesan iha munisipiu Kovalima, Bobonaru no mos Postu UPF iha Rejiaun Administrativu Espesial Oekusse Ambeno (RAEOA).
“Foin lalais ami foin ba vizita ne’e, prepara oinsa fo formasaun ba sira atu kaer rádiu ne’e rasik, balu aat duni, tanba ne’e maka IT foin lalais ba hadi’a ona tanba iha tinan ida ne’e ita hola atu koloka hotu ba sira iha área refere,” nia afirma.
Iha semana kotuk, Ministru Interior (MI), Fransisco da Costa Guterres ba vizita sira ho kedan IT PNTL maka hadi’a tiha no balu aat duni, enkuantu bolu iha Dili mós sira iha fatin refere sei hatan, husi ne’e maka membru UPF sira foin hakfodak katak radio nee diak hela
Jornalista : Mariano Do Santos Abi
Editór : Orlando Magno
