(Dili)Mudansa – Ministru Defeza Timor Leste Donanciano Gomes Pedro “Klamar Fuik” ho nonu governu konstitusionál ohin dezloka ba Jakarta hodi partisipa enkontru altu nivel defeza iha Asean Defence Minister Meeting ba da 17 maibé primeira Timor Leste sai hanesan observadór.
“Ohin nonu konstitusionál liu husi ministru defeza sei dezloka ba Jakarta atu partisipa iha enkontru altu nivel ministru defeza asean nia nune’e mós partisipa iha désimu enkontru altu nivel ministru defeza asean nian,”dehan ministru Defeza Donanciano ba jornalista iha Aeroporto internasionál Comoro Dili segunda,13/11/2023.
Nia hatutan, Ministru Defeza partisipa iha asean plaz ne’e ba dahuluk iha ne’ebá Timor leste sai hanesan observadór hodi bele rona no aprende liu tan saida mak asean nia dinámika no polítika iha área seguransa Timor Leste hodi bele kontribui.
“Prioridade governu nia mak polítika esterna oinsá Timor-Leste bele iha adezaun ba asean lalais liu bainhira kalendáriu ne’ebé estabelese nune’e mós husi parte ministériu defeza nia haree hanesan observadór saida mak ita bele kontribui ba asean ne’e rasik iha aspetu seguransa rejionál nian,” katak nia
Entretantu Reuniaun ne’e sei hala’o durante loron 2 iha Jakarta Indonesia dia 15 sei halo reuniaun Ministru Defeza asean nian, no mós 16 novembru halo reuniaun Ministru asean plaz nia, iha ne’ebé Ministru Defeza Timor Leste dezloka ba Jakarta Indonesia iha oras 12:30 ho aviaun Citilink.
Jornalista :Domingas Viana
Editór : Orlando Magno
