(Dili) Mudansa –Juvinal Dias, Prezidenti Komisaun Organizadora ba eventu Juventude Lorico As’wain Fight Back event hatete, eventu ho objetivu atu promove no dezenvolve talenta Boxsista Timor oan sira nian no komemora loron masakre 12 de Novembru.
“Eventu ida ne’e inisia husi EL-Matador Boxing clab no mós apoiu husi klubu 13 inklui klubu hosi Indonézia Naikolan Boxing Clab Kupang. Eventu ida ne’e nia objetivu fundamentu atu loke hela eventu ba talenta Maibé Timor oan sira hodi bele hatudu sira nia jogu. Alende ida ne’e mak komemora loron masakre 12 de Nobembru ne’ebe Joventude loriku asuwain sira sakrifika sira nia vida hodi liberta rai ida ne’e,” Dehan Prezidenti komisaun organizadora Juvinal Dias iha press konferensia ne’ebe relaiza iha treinu fatin El-Matador, Bidau, Dili, Kinta ne’e.
Nia hateten, Entau eventu ida ne’e hanesan loke hela dalan ba Joventude sira iha ukun an ida ne’e atu mós ba kontribui ba prosesu dezenvolvimentu desportu nia atu habus dezenvolvimentu Desportu, paz no solidaridade.Tanba ne’e mak envolve kolega sira husi Naikolan atu bele mai partisipa eventu ida ne’e.
“Enventu ida ne’e la’o tanba iha kolaborasaun entre komisaun organizadora Boxing EL-Matador ho nia ekipa tomak no Ministeiru Desportu Arte no kultura no komite 12 de Nobembru. Eventu ida ne’e apoiu no hetan lisensa husi federasaun rasik. Ami hetan 10 mil apoiu husi Ministeiru Joventude Desportu osan ne’e ki’ik liu la to’o maibé ami fiar katak ita lahalo ho osan maibé ne’e espiritu tanba ne’e nafatin agradese no brigadu ba apoiu mesmu ke oituan,” Nia Afirma
Juvinal relata tan katak sei loke hela dalan ba apoiu karik entidades balun bele apoiu tan ba ida ne’e hatene katak ohin loron Boxista sira ne’ebe registradu iha ne’e hamutuk 44 Maibé fahe kategoria youth nia ema nain 4 feto nain 3, senior sei iha ema nain 18 junior 23 Bokxista sura hamutuk 44.
“Durante loron tolu ne’e entre, 10, 11, 12, ne’e sei jogu 22 hanesan mak sei anima ita. Klube hamutuk 13 klubu nasional iha 12 no Kupang 1 miabé nia Bokxista nain 8 mak partisipa, feto mesak Timor oan de’it Indonézia la iha,” tenik nia
Espera katak enventu ida ne’e sei iha tan la’ós El-Matado mak organiza pelumenus husi federasaun hala’o nia programa lolos kanar fundamentu atu organiza enventu hirak ne’e iha Timor federasaun foti panel bo’ot, espera katak enventu ida ne’e sei lao nafatin de’it.
“Majasen katak mai ita haburas Desportu ne’ebé nakonu ho solidaridade paz atu bele kontinua ida ba futuru,” dehan nia
Wasit NTT, Deny Hitarihun hatutan tan katak Federasaun Nasional Indonézia empartikula Nusa tengara Timur sente onradu ba konvite ne’ebé Klube EL-Matador Dili Timor-Leste fó.
“Ida ne’e hanesan eventu ida ne’e ba ami hirak ne’e iha Kupang iha valor bo’ot liu. Ami apresia tebes ho eventu ne’e no ami hakarak eventu sira hanesan iha nafatin ba oin. Husi Kupang NTT iha Wasit rua (2), atleta nian walu (8) no treinador rua (2),” hakotu nia
Jornalista: Gaudencia Belo
Editór : Felisberto F. Da Costa
