Ministru Interior Foun, Sei Hadi’a Estatutu no Kondisoens Seguransa

banner 120x600

(Dili) Mudansa – Planu Ministru Interior Francisco Guterres nian durante loron 100 resin nia parte sei hadi’a estatutu no lei Polisia Nasional Timor-Leste (PNTL), no mós sei hadi’a kondisaun instituisaun PNTL iha rai laran.

“Ita ba sei hadi’a Estatutu Lei PNTL sira, durante loron 100 ita Greve Estatutu PNTL no mós haree ba kondisoens mínimu, tenke haree kondisaun Polisia ne’ebé iha Fronteira tanba sira mak hatene bainhira buat ruma tama husi Nasaun Viziñu mai,” Dehan Ministru Interior Francisco Guterres ba jornalista hafoin simu pose iha Palasiu Prezidente Bairo Pite Dili, Sabadu 01/07/2023.

Nia haktuir, Tenke hadi’a fali PNTL sira nia kondisoens iha Munisíspiu no Postu sira depois reorganiza fila fali  kona ba Polisia Komuniataria hirak ne’e hotu tenke rezolve ne’e hotu

Francisco afirma, Kria Kondisoens ba Bombeiro, Protesaun Sivil no Seguransa sivíl tenke hare sira nia regras no Lei durante iha loron 100 ne’e nia sente todan maibé prontu responsabilidade bainhira atu halo di’ak

“Ita bele hadi’a tiha Estatutu Interior depois polítiku prinsipál mak tenke hamutuk ho setór seguransa no Instituisaun seguransa hodi define ameasas ba Timor mak saida? depois define programa atu ita bele dezenvolve PNTL hodi responde ba ameasas ne’ebé ita hetan,” Nia relata.

Nia realsa, nu’udar Ministru Interior sei tuur hamutuk ho Instituisaun Polisia no Seguransa hotu atu define uluk ho Realidade ameasas saida mak Timor infrenta Liu-liu ba kestaun Violensia, oho malu no baku malu, bainhira define hotu tiha trasa kedas planu no estratéjia.

“Tau ita-nia seguransa hodi responde ba kondisoens ne’ebé agora akontese iha ita-nia Rain, no mós kria kondisoens mínimu atu bele hala’o dezenvolvimentu ba iha Nasaun ida ne’e tanba setór seguransa fatór determinante ida ba kestaun dezenvolvimentu Nasional,” Ministru Interior esplika.

Jornalista : MediaMudansa

Editór        : Orlando Magno

banner 325x300