(Dili) Mudansa – Assitente verifikasaun lisensa LFTL Felisberto M. de Jesus informa, durante ne’e Klubu 8 mak rejistu ona atu partisipa iha Liga Futebol Timor-Leste epoka 2023 nian.
“Klubu ne’ebé rejistu liga Futebol Timor-Leste iha 8, primeiru divizaun klubu 4, Klubu Atletiku Ultratramar, Ponta Leste, Asalam FC, Karketu FC no segundu divizaun klubu 4 mak hanesan, DIT FC ,Lika Lika FC,Fitun Estudante FC no mós Kablake FC,” Dehan Asistant Verifikasaun Lisensamentu LFTL, Felisberto de Jesus ba jornalista sira iha Estadium Munisipal, Dili, kuarta (25/01/2023).
Nia sujere, Ba klubu sira ne’ebé seidauk rejistu bele foti Formulariu iha LFTL, Tuir kritéria ne’ebé iha ba Primeiru divizaun iha jogadores na’in 27 no mós ba segundu divizaun jogadores hamutuk na’in 30.
Jornalista : Delfina Borges
Editór : Orlando Magno
