(Internasional) Lagos, Nijéria – Atleta na’in rua nulu resin-ida (21) hosi Estadu Kano mate iha loron-sábadu bainhira sira nia autokarru lakon kontrolu no monu hosi ponte ida iha Área Governu Lokál Kura nian bainhira fila hosi Festivál Nasionál Desportu nian iha Estadu Ogun, sudoeste Nijéria nian.
Veíkulu, ne’ebé tula pasajeiru na’in 35, barak liu maka atleta sira no ofisiál sira, fila hosi festival desportivu bainhira asidente fatal akontese antes to’o iha sira nia destinu, hatete hosi responsável aas ida.
Prezidente komisaun Desportu Umar Faggie, iha nia deklrasaun hatete ba Anadolu liuhosi telefone katak “atleta sira halo viajen iha autokarru ida hosi Komisaun Desportu Estadu Kano nian bainhira nia monu hosi ponte.” Nia hatete ba Nigeria news ,Nigeria Domingo 1/05/2025
Sobrevivente sira hosi asidente estrada nian lori ona ba ospitál hodi hetan tratamentu médiku emerjénsia.
Eis-vise-prezidente Nijéria Atiku Abu-bakar, espresa “tristeza boot” ba atleta sira nia mate iha post ida iha nia konta X, hodi deskreve vítima sira hanesan “di’ak liu hosi ita-nia nasaun, dedikadu, talentu, no nakonu ho promesa”.
Entretantu husi Festivál Nasionál Desportu (NSF) maka eventu multi-desportu boot ida iha Nijéria ne’ebé atrai atleta sira hosi estadu oioin. Ida-ne’e enkoraja unidade, dezenvolvimentu atlétiku, no exelênsia. NSF fó énfaze ba desportu sira hanesan atletizmu, futeból, basketebol no voleiból. (Anadolu)
Fontes: (Nigerianews)
