(Díli) Lecidere-Governu liu husi Ministériu Juventude Desportu Arte no Kultura (MJDAK) preparasaun jogu Comunidade Países da Língua Portuguêsa (CPLP sigla português) ne’ebé mak sei realiza iha fulan juñu no Timor-Leste mak sei sai hanesan uma nain ba jogu ne’e rasik nune’e governu preve ona orsamentu hamutuk 3.7 milloens ba jogu CPLP.
Tuir Gabinete Ministériu Juventude Desportu Arte no Kultura, (MJDAK) Egas Barros hatete, inklui federasaun sira no instala ona sekretáriu sira iha SEJD no ense ona federasaun sira no sei hein mós tékniku sira husi CPLP ne’ebé mak sei fó sira nia ema mai iha Timor-Leste.
“Preparasaun hirak ne’e laiha problema no foin da-dauk iha enkontru ida nível de ministru ho desizaun tomak atu oinsá apoiu jogu ida ne’e la’o, tanba jogu ida ne’e la’os jogu nasionál maibé ida ne’e jogu internasionál foin primeira vez Timor-Leste sai uma nain”, dehan gabinete MJDAK ba jornalista sira iha Salaun MJDAK, Segunda, 17/03/2025
Nune’e nia haktuir, segundu faze teste bo’ot ba Timor oan sira ho jogu internasionál ida ne’ebé preparasaun husi Ministériu Juventude Desportu Arte no Kultura (MJDAK) inklui sekretáriu estadu ne’e rasik ba preparasaun jogu CPLP.
“Orsamentu ne’ebé preve ba jogu CPLP nian mak 3.7 milloens ne’ebé Konsello Ministru aprova mai Ministériu Juventude Desportu Arte no Kultura (MJDAK) atu halo jestaun hodi uza ba atividade desportu CPLP nian”, Nia salienta.
Nia informa, MJDAK sei mantein nafatin ho orsamentu ne’ebé aprova ona, enkuantu sei iha mós ema balu ne’ebé sei apoiu orsamentu ba jogu refere.
“Provijoriu ita sei mantein nafatin ho orsamentu ne’ebé husi Konsellu Ministru aprova no finansas entrega mai iha MJDAK no sei mantein ho orsamentu hirak ne’e, ami seidauk hetan infomasaun husi kanal sira seluk no to’o agora seidauk hetan infomasaun, sei iha ema balun atu apoiu orsamentu ba jogu ne’e rasik”, konta nia.
Nune’e nia hatuta, atleta hamutuk 500 ital husi modalidade ualo (8) ne’ebe inklui mos sira nia ofisial sira mak sei mai iha Timor-Leste.
“Atleta ne’ebé atu mai ne’e hamutuk atus lima (500) ital, husi modalidade ualu (8) ne’ebé inklui mós sira nia ofisial sira no ita bele kalkula sira bele to’o iha atus hitu (700) ou atus ualu (800) no inklui mós ministru sira sei mai husi sira nia ema sira ne’ebé akompaña mós ho protokolu sira ne’ebé dala ruma sei to’o mill hanesan ne’e”, hatete nia.
Nia deklara, preparasaun hirak ne’e laiha problema hanesan ba akomodasaun fatin Otél sira ne’e laiha problema no to’o agora ekipa tékniku sira husi CPLP ne’ebé mai halo vizita iha Timor-Leste no sira orgullu lo’os ho preparasaun ida ne’e.
“Sira nia komparasaun ho nasaun sira seluk ne’e dehan ita ne’e di’ak liu ho nasaun sira seluk tanba ita nia kondisaun Otél sira ne’e tama hotu kriteria sira ne’ebé kapas lo’os”, hakotu nia.
Jornalista: Zemidonio Martins.
Editora: Sandi Belo
