(Díli) Pantai kelapa -Institutu Nasional Kombate HIV-SIDA Imprensa Públika (sigla portuges-INCSIDA I,P) sosializa informasaun konaba moras HIV-SIDA ba estudante Instituto Ciência da Saúde (sigla portuges-ICS).
Tuir Pezidente INCSIDA.IP, Daniel Marçal hateten, objetivo husi sosializasaun ne’e ba estudante sira atu Proteze a’an husi moras HIV-SIDA ne’ebe partilha iha mundu inklui mos nasaun Timor-leste.
“Joven sira ne’e mesmo matenek iha siênsia sira seluk, maibé Maioria joven barak mak sei Fraku iha Pensamento, buat ida halo tia uluk foin hanoin ida ne’e mak halo ema barak agora kona virus HIV, nomos sira haluhan tia futuru sira la tau importansia ba sira nia futuru, no sira tau importansia liu ba sira nian domin.” dehan Prezidenti INCSIDA, Daniel Marcal ba Jornalista sira iha nia fatin Panti Kelapa Dili, 17/03/2025
Nia hatutan mundu teknologia muda joven sira nia pensamentu no la tau importansia ba sira nia futuru, no dala barak liu hili dalan kaben sedu no estraga sira nia futuru aban bainrua, no oinsa atu fasilita Joven sira liuhusi formasaun ne’e atu bele fó hanoin ba sira nia futuru.
” bainhira moris hamutuk ona ne’e konsekuensia sai inan no aman, maibe ohin loron atu fo hatene ba joven sira katak tempu sei naruk tamba ne’e tenki asegura imi nia vida.” Nia Salienta.
Iha fatin hanesan Estudante Senadu jeral Instituto siência da Saúde (sigla portuges-ICS) Domingos Soares da Silva hateten, nia senti orgulhu hodi tuir formasaun ne’e tamba bele aumenta koiñesimentu no abilidade iha area saude tamba koalia konaba prevensaun moras HIV-SIDA iha Timor-Leste importante tebes ba joven sira.
“Informasaun sira ne’e sei la hotu iha ne’e hanesan ami Estudante ami sei lori informasaun ida ne’e ba partilla iha komunidade atu ba halo Promosaun konaba saúde liu-liu iha virus HIV nain ” nia dehan
Entretantu total partisipante husi estudante Ciênsia da Saúde (sigla portuges-ICS) ho total atus rua ne’en nulu resin-lima (265) kompostu husi departementu lima (5) maka hanesan Enfarmagen,Parteira, Ciênsia Piodemika Laboratorium, Farmasia nomos Nutrisaun.
Jornalista : Inácio Silva/Estagiada Jaquelino Andrade
Editor :Sandi Bello
