(Díli) Pálacio- Profesores kontratadu iha tinan 2024 nian konsege hatama karta reklamasaun ba iha Primeiru Ministru (PM) nia fatin maibé seguransa iha fatin refere fó informasaun ba sira katak labele lori karta atu hasoru direita (PM)
“Ami nia prezesa ohin mai iha ne’e, atu lori karta reklamasaun atu entrega ba primeiru ministru, maibé na realidade ami to’o iha Primeiru Ministru (PM) nia fatin siguransa iha laran lori hela informasaun mai hatete kata, ami labele lori karta atu hasoru direita (PM), Tamba ne’e mak mosu konfuzaun bo’ot ida mai ami, ho razaun saida mak sira labele lori ami ba hasoru (PM), atu entrega karta reklamasaun direita ba (PM), tamba ida ne’e mak ami mai iha ne’e” dehan Profesor kontratadu Porta Voz Mariano Albertu Carlos ba Jornalista Média Mudansa iha Palasio Governu,12/02/2025
Profesores kontratadu deklara katak, karta deklarasaun ne’ebé mak sira lori ba entrega iha (PM), tamba sira nia problema no professores kontratadu ne’e durante tinan ida (1) atu tama ba tinan rua (2) ona, maibé Ministeriu Edukasaun laiha ona serteza no ignora nafatin sira , ho ida ne’e mak Profesores kontratadu halo karta reklamasaun dirieta ba (PM).
“Antes ne’e ami halo ona karta dala rua(2) ou tolu(3), haruka ba (PM), maibé karta ne’e enkamida hela iha vise nain (2) nia fatin, até a data, karta ne’e laiha informsaun ne’ebé serteza ba ami, tamba ne’e mak ami ba hasoru bebeik sira iha ne’eba, no sira dehan katak despaisu husi (PM ) mak seidauk tun, ho ida ne’e ami prepara karta reklamasaun ho dokumentus sira seluk ne’ebé sai hanesa azente funsaun públiku Minitériu Edukasaun, dokemuentu sira ne’e ami enkamida hotu iha laran atu lori direita ba (PM)”, nia afirma
“Ami duvidas oituan tamba seguransa sira iha laran fo razaun dehan ami labele hasoru (PM) , Primeiru ministru mak fó orientasaun hanesan ne’e, ba seguransa sira hodi bandu para ami labele lori karta hasoru primeiru Ministru , serake ami ne’e mai husi ne’ebé”,
Profesores kontratadu nafatin lori dokemtus hirak ne’e atu hasoru (PM) maibé nafatin la fó dalan sira atu hasoru (PM),ho razaun saida Profesores mantein nafatin pozisaun no sei halo komunikasaun nafatin ho autoridade sosiedade cívil, Provedor direitus humanus justiça (PDHJ) no komando sira, para oinsa atu bele hasoru(PM).
“Ami sei nafatin hanesan ne’e to’o solusaun serteza. karik ida ne’e mak laiha serteza mai ami, entaun ami sei halo fila fali reuniaun entre profesoress kontratadu atu buka maneira, hodi hala’o nafatin manifestasaun, tamba karta lisensa hato’o ona iha komando sira hahu dia 3 febereiru to 31 de Dezembru de 2025, Ita bo’ot sira hatene katak dia 6 de febereiru 2025, foin lalais, husi (ME) halo ona komunikandu emprensa iha (ME) nian, relata iha públiku katak ami iha 500 pessoas ne’ebé aplai teste espesial, mais ami seidauk hatene ,total 500 pessoas ne’e foti iha ne’ebé, serake teste espesial dedika mai ami ne’ebé mak agora sei la’o hela ho problema ida hanesan ne’e, mais dadus ne’ebé agora iha Ministeriu ami la hatnene dadus ne’e mai husi ne’ebé”, dehan profesores kontratadu
Profesores kontratadu reafirma katak, Iha dia 3 de febreiru 2025 sira halo ona diálogu ho estrutura (ME) ka porta voz edukasaun nian, maibé proposta iha ne’eba profesores tenke tuir teste espesial,
“Maibé ami fó hela opsaun rua(2) iha ne’eba katak, ami professors ne’ebé mak agora dadaun mantein ami nia fatin iha ne’e, profesores kontratadu ho sekundariu, Bacarelatu no Lisensiatura, mas teste espesial ida ne’e so dedika ba Bacarelatu no Lisensiatura, no ba sekundariu lei la fó dalan, atu tuir teste espesial, maibé sira nia dedikasaun ne’e, iha tempu naruk nia laran, saída mak Ministeriu atu fó sira”, relata nia
Entertantu total iha jornal da da repúblika 1499 pessoas no 204 maka liu iha teste bolsa de kandidatu iha tinan kotuk, restante husi 1499 ne’e sei mantein hela sira nia pozisaun.
Estajiada : Isabel de Jesus dos Santos
Editora : Gaudencia Belo
