Timor Leste hetan indepedensia ba tinan 20 resin ona maibe komunidade Munisipiu Bobonaru Postu Administrativu Bobonaru suku Lour Aldeia Galitas nafatin halerik ba ahi eletrisidade
Tuir komunidade Aldia Galitas Ezevio Freitas hateten, Ahi eletrisidade la tama iha Aldeia Galitas desde okuzaun Indonesia nia tempu to’o agora iha area Aldeia Galitas lasente indepedensia tamba la asesu ba buat hotu liu-liu ahi.”Ukun aan Ida ne’e la sente ukun aan tamba seidauk fo roma ba ami, Tamba Ida ne’e mak ami nudar populasaun sente la kontente tamba wainhira buat hotu menus husi ami, dehan nia ba media mudansa iha Aldeia Galitas.
Nune’e mos nia haktuir, Ahi la tama bele fo impaktu no prezudika ba oan estudante sira nia futuru, tamba sira estuda la diak no ahi eletrisidade seidauk to’o mai iha Aldeia Galitas.
“Durante ne’e Ami uza ahi tenaga suria, balun sunu lampu no balun tur nakukun deit susar tebes ami atu asesu ba buat hirak no ami la sente ukun aan no indepedensia.
Euzevio Konta, Informasaun iha Timor Leste ne’e Aldeia Galitas la asesu tamba falta ahi eletrisidade no espera katak iha tinan oin mai 2025 Aldia refere bele asesu ona ba ahi eletrisidade no seluk tan.
Komesa iha okupazaun Indonesia nia tempu to’o agora neen governo ou Parte relevante sira seidauk mai halo vizita iha area Aldeia Galitas ne’e.Nia Rekomenda ba parte relevante sira atu tau importasia makas liu tan ba Aldeia Galitas tamba buat hotu ida Aldeia refere ne’e menus tebes no Aldia Galitas la sente indepedensia ba tinan 20 resin nia laran.Nune’e mos media mudansa la konsege halo komfirmasaun ho parte Autoridade Aldeia tamba preokuka tebes ho nia servisu balun.
Entretantu tuir Media Mudansa nia opservasaun katak komunidade Aldia Galitas la asesu ba Ahi eletrisidade, estrada, edukasaun, Saude, seguransa no seluk tan.
Jornalista : Zemidonio Martins
Editor : Manuel Andrade
