(Dili) Mudansa– Sekretariu Estado Asunto Toponimia no Organizasaun Urbana (SEATOU) Germano Santa Brites Dias Hateten, ohin ekipa konjunta husi (SEATOU) despezu administrativu ba uma kain 11 ne’e la’os vizita Amu Papa Nia, maibé atu hadia fali ai rin Bandeira nia, no Prosesu despezu Administrativu ne’e lao normal hanesan bai-ain iha fatin hotu-hotu ne’ebé mak komunidade okupa valeta leten no trotoar sira.
“Ohin ita mai iha Tasi-Tolu ne’e uma sira ne’ebé ita dudu ne’e hamutuk uma kain sanulu resin-ida (11) ne’e la’os indimizasaun, maibé kompresesaun Estadu no Governu liu husi Ministru Oras Públiku (MOP) fo ona osan oituan ba sira hodi bele hasai sira nia sasan, ohin loron ita tenke hasai, tanbá fatin ne’e presija tebes atu hadia hetan vizita Amu Papa nia ne’e no la’os atu vizata Amu Papa nia mak hasai komunidade sira, maibé atu hadia fali bandeira nia Ai rin nian ne’e di’ak fali,” Dehan SEATOU Germano Santa Brites Dias ba jornalista sira iha Tasi-Tolu Tersa ne’e (13/08/24)
Nia informa , SEATOU sira nia servisu ho ekipa konjunta nia servisu iha teritoriu tomak liu-liu sidade Díli atu hadia organiza hodi Díli ne’e mós kaber no seguru ba ema hotu, tanbá fatin ida ne’e Amu Papa mai iha ne’e aproveita tempu mós atu hadia duni bandeira nia ai rin ne’e, no amu Papa la mai mos populasaun Tasi-Tolu ne’e tenke ses husi fatin ne’e.
“Fatin protejidu ba ema hotu la’os dehan amu Papa mai mak atu hakas an atu hasai ne’e la iha, ita ko’alia ona antes tinan kotuk ita seidauk rona atu amu papa mai Timor ita servisu ona Timor laran tomak inklui Minisipiu sira hotu, ita hasai sira ne’e fila ba sira nia an mai husi ne’ebé ida-idak bele fila ba sira nia Minisipiu,” Nia Afirma
Sekretariu hateten tan katak, atu garante labarik sira nia eskola parte Ministeiru Edukasaun nian prontu atu bele simu sira nia oan bá hela ne’ebé simu karta husi Edukasaun para bele hatama iha eskola ne’ebé mak sira hela ba.
“Kontratu ne’ebé sira asina no aseitasuan Ministeiru Obras Publiku (MOP) nia signifika osan ne’e tenke tama sira nia Konta bankaria, governu nunka halai husi nia responsabilidade hein de’it prosesu aprojionamentu husi finasas (MOP) nian ne’ebé transfer osan kada uma kain nian, osan tuir uma nia modelu ne’ebé iha uma ne’ebé permanenti no la permanenti,” Tenik SEATOU Germano Santa Brites Dias
Iha Fatin hanesan komunidade afeitadu Domingos Dos Reis hatutan, durante hela iha Díli komesa husi tinan 1980 fatin ne’e hanesan espasu públiku no rai nia la’os mai okupa de’it, maibé antes rai ne’e hola husi ema hodi halo uma atu oan sira hela ba atu assesu eskola.
“Ha’u hola rai ne’e momentu ho san montante dollar rihun rua atus tolu ($2300) momentu hola rai ne’e ha’u la hatene, maibé rai ne’e Estadu nia duni, tanbá ema hela barak ha’u mos hakarak halo ha’u oan sira hela hodi bá eskola, Estadu halo eviksaun ne’e konta bankaria hotu ona,maibé ami ba cek Konta bankaria osan seidauk tama,” Nia Releta
Komunidade Afeitado ne’e akresenta tan, sasan ne’ebé iha seidauk hasai hotu dadersan de’it ekipa SEATOU sobu nomós seidauk hetan apoiu ruma husi parte balun, halo eviksaun ne’e familia afeitadu ba hela ne’ebé lahatene ona pasensia dada lona hodi hela ba.
“Ha’u nia oan sira ba eskola ne’ebé lahatene ami nia uma de’it sasan nunka hasai uma tomak hela sira sobu ona ne’e agora nusa ami povu ki’ik lahatene, sira mai sobu ne’e la fo tempu loron ida sira ami derepenti de’it, ami iha duni kontratu,maibé osan seidauk tama iha Konta bankaria ohin dader sira mai sobu de’it sasan nunka hasai osan ne’ebé iha ha’u asinan kontratu ho sira mak rihun hitu ($7000) maibé osan ami ba cek seidauk tama iha ami nia konta bankaria,” Hakotu komunidade afeitado Domingos Dos Reis
Jornalista: Gaudencia Belo/ Remigia Locateli
Editóra : Delfina Borges
