(Díli) Mudansa-Fundasaun UNITAL, hasoru malu ho estudante sira asina deklarasaun kona-bá nomeasaun Reitór interinu atu lidera Universidade durante fulan tolu no hein rezúltadu tuir mai.
Fundador Tito da Costa kodigu (Lere Anan Timor) hateten, problema Reitór hanesan problema internál ida ne’ebé mosu no nia konsidera ida ne’e hanesan problema baibain, tanbá UNITAL uluk iha situasaun difisil sira luta ona hodi hamri’ik to’o ohin loron.
“Ha’u nia parte hakarak hato’o mós parabens bá estudante sira ne’ebé durante ne’e luta tan hodi ohin loron hetan Vitória bá Reitór,maske ami nia maun nain rua Maunana ho Matos, maibé reprezenta ami nain-lima (5) iha ne’e hotu ona, problema mosu duni problema ida ne’e ki’ik problema la bo’ot hanesan uluk ne’e tuku malu baku malu, sunu buat sasan sira,”dehan Lere Anan Timor bá Jornálista sira iha salaun UNITAL Tersa-Feira (06/07/24)
Fundador ne’e akresenta, problema ida ne’e ki’ik hanesan ohin nia fó parabéns ba universidade iha espíritu no responsabilidade.
“Hanesan ohin ha’u dehan parabéns bá Universitariu sira, tanbá sira iha espíritu responsabílidade iha sentidu Estadu, hadomi ninia Universidade, tanbá ida ne’e maka sira uza maneira oi-oin hanesan konferênsia imprensa halo petisaun, ida ne’e mak ha’u dehan Demokrásia lolós Demokrásia la’os uza violénsia, maibé ida ne’e maka dala ida ha’u nia parabéns bá ha’u nia oan sira,ha’u nia bei-oan sira ne’ebé hola parte korpu Fundasaun ninia,”Nia hatete
Nia relata, nia parte la’os halo diskriminasaun bá Reitór Joaquim de Jesus Vaz, maibé tanbá tuir sistema akademika nia seidauk bele simu knaar hanesan Reitór.
“Ha’u nia alin Reitór Joaquim ita la hewai nia ita la’os despreza nia,maibé ita servisu tuir kriteria tuir normas no servisu tuir Lei sé la priense kriteria lalika tau ita nia oan sira Universitariu atus bá atus ne’e sai vitîma fali bá ema ida de’it ninia hahalok,tanbá ida ne’e fó impaktu bá estudante sira nia ensinu aprendisazen iha Universidade liu-liu diploma akadémika tuir normas Ministeriu Ensinu Superior katak sei la autóriza ema ho nivel Lisensiadu/a atu asina diploma estudante Lisensiadu/a,” Nia subliña
Iha fatin hanesan Senadu Jeral Guilherme da Silva mós hatutan,hanesan estudante senti orguillu tebes,tanbá Fundadór sira nunka taka matan bá problema ne’ebé mak estudante sira hasoru, liu-liu ezizénsia Magnefiku Reitór ne’ebé konsege halo asaun tuir dalan Demokrásia kuaze semana rua to’o ohin loron.
“Ohin ita nia korpu Fundasaun sira hasoru malu ho ita hodi fó solusaun ne’ebé di’ak satisfasaun estudante hotu-hotu nian atu nune’e estudante hotu hala’o nia estudu ho di’ak bele kontenti katak ita iha Universidade ne’ebé di’ak hodi lidera Universidade ne’e ba oin no ha’u senti orguillu tebes,tanbá Fundadór sira nunka taka matan bá problema ne’ebé mak estudante sira hasoru, liu-liu ezizénsia Magnefiku Reitór ne’ebé konsege halo asaun tuir dalan Demokrásia kuaze semana rua to’o ohin loron,tenik Nia
Nia akrèsenta hanesan Senadu jeral reprezenta estudante hotu, oinsá atu dada fila fali karta ne’ebé fó ona iha kada Fakuldade, tanbá ne’e iha tempu tuir mai sei iha tan despaixu ida oinsá atu halo klarifikasaun bá asuntu no kestaun sira ne’ebé mak iha.
“Durante asuntu ne’ebé iha oinsá atu halo UNlTAL eziste duni problema, entaun hanesan responsavél no dever moral estudante ohin loron hetan ona solusaun alein ida ne’e mós voluntariamente oinsá atu sosiálizasaun bá hirak ne’e.” Nia hakotu
Entretantu desizaun husi Fundasaun katak Reitór Interinu António sei lidera durante fulan tolu hodi hein enkontru tuir planu Fundasaun sira nian, no sira mós seidauk autóriza atu reitór Interinu fó Graduasaun bá estudante sira iha tinan ne’e bainhira seidauk iha Reitór permanente.
Jornalista : Remigia Locateli
Editóra : Delfina Borges
