(Indonesia) Média Mudansa– Boxista famosu Timor Délio A. Muzinho husu ho haraik an ba povu Timor-Leste tomak atu suporta nia ho orasaun atu nune’e nia bele joga ho kondisaun ne’ebé mak estavél to’o jogu remata no fila fali mai Timor-Leste. Hela de’it oras balun atu eventu Rumble Night Promotion hahu.
Boxista El-Matador nain rau, Délio A. Muzinho no Elidio da Conceicão ho nia treinador Abilio Orlado iha loron 14/12/2023 desloka ona ba Bali Indonesia hodi tuir AMATEUR PRO BOXING iha Eventu RUMBLE NIGHT PROMOTION ne’ebé sei hela realiza iha loron ohin 16/12/2023.
Tuir Intevista ne’ebé Media Mudansa halo via Online, Delio espresa nia sentimentu onradu reprezenta Timor-Leste ho nia maluk boxista sira seluk ba kompete iha eventu refere tanba ida ne’e hanesan oportunidade atu hadutu ba mundu katak la duvida ona atu konta ho Timor bainhira ko’alia kona ba Desportu Boxing.
“Senti orgullu no kontete partisipa iha Eventu Rumble Night Promotion bele Amateur Pro Boxing Promotion Bali Indonesia tanba sei joga iha klase Amateur Pro Boxing,” dehan Boxista Délio A. Muzinho ba jornalista Media Mudansa via WhatssApp, Sabadu, (16/12/2023)
Tempu to’o ona Boxista Delio hakarak hatudu ba familia, kolega no povu Timor-Leste tomak katak nia prontu ona atu hatudu rezultadu ida diak ba rai doben Timor-Leste.
Boxista ne’e sente preparadu tebes tanba durante fulan hira nia laran hahu hosi perparasaun ba Sia Games to’o mai eventu Juventude Loriku as’wain fight back, kontinua kedan prepara mai eventu ne’e, nia sente natoon ona atu hasoru nia oponente.
Boxista hosi Timor-Leste hamutuk nainn ha’at mak hanesaan Délio A. Muzinho no Elidio da Conceicão hosi El-Matadór Boxing Club no Boxista nain rua seluk hosi Oriental Boxing club (OCB)
“Tuir lolos inklui ho Boxista Asalaino hodi ba tuir eventu ne’e maibé tanba finanseiru la to’o entaun sira la konsege ba partisipa,” Delio hato’o ho Triste.
Délio husu ho haraik an ba povu Timor-Leste tomak atu suporta nia ho orasaun atu nune’e nia bele joga ho kondisaun ne’ebé mak estavél to’o jogu remata no fila fali mai rai doben Timor-Leste.
“Ba Boxista Timor laran tomak husu atu esforsu ho disiplina, mantein treinu lalika dezesperadu tanba tempu sei mai,” hakotu nia
Ekipa MD
Editor : Felisberto F. da Costa