(Dili) Mudansa – Negosiante Celestina Pinto, mai hosi munisipiu Viqueque postu Administrativu Luca fa’an bua malus iha merkadu Taibessi durante tinan 2 ona hodi sustenta familia uma laran no selu oan sira nia kursu maske loron manas hakaas no kolen.
Negosiante Cristina Pinto ho idade 30 anos oan hamutuk nain 5 mane nain 2 no feto nain 3 oan nain 5 mane 2 feto 3 ne’e eskola la hotu ka hapara estudu iha banku Pre-Sekundariu oan feto ida maka to’o iha banku Sekundaria maibé la hotu hapara nia estudu iha klase XII.
“Ha’u halo negosiu ka fa’an bua malus tinan 2 komesa hosi tinan 2021 to’o mai agora, bua ho malus ne’e sosa tutan no bua futun ida ho presu $20 mai fa’an fali ho presu $23 to’o $24, kada loron ida ami fa’an hosi dader to’o loraik hetan rendimantu $60 no osan sira ne’e uza hodi selu oan nia kursus no mos osan sira ne’e uza ba nesesidade uma laran nia, ” Dehan Celetina Pinto ba jornalista Média Mudansa iha Mercado Taibessi Sesta ne’e, 17/11/23.
Negosiante ne’e informa, Maske Fa’an iha ne’e hasoru loron manas senti di’ak maibé kolen nesesidade moris no kabun mak obriga tenke buka moris hodi hetan netik osan oituan hodi bele sustenta nesesidade familia nia.
“Iha tempu udan ami ba tiha uma udan para mak foin mai fa’an fali sai hosi uma mai fa’an tuku 4 madrugada no tuku 5 loraik mak fila ba uma no malus ne’ebé faan futun haat ho presu $1 dolar ida 0,25 sentavus pois fa’an fali ida 0,50 sentavus fa’an hotu fila fali ba Viqueque hetan fali bua sosa tiha mak lori fali mai faan iha ne’e bua ne’ebé sosa iha Viqueque futun ida ho presu $20 dolar ne’e mai iha ne’e ami faan fali futun ida ho presu $23 to’o $24 dolares”Nia Afirma
Celestino Pinto nia mesangen ba maluk feto sira katak fa’an sasan la moe na’ok mak moe, maibé fa’an hanesan ne’e lalika moe ida ne’e tanba moris mak hanesan ne’e.
Jornalista : Gaudencia Belo
Editór : Felisberto F. da Costa
