HAKEREK NA’IN ESTUDANTE REFERE HUSI UNIVERSIDADE CRISTAL ( ISC ) INSTITUTO SUPERIOR CRISTAL FAKULDADE EDUKASAUN, DEPARTAMENTU SOSIALOGIA. PERSPEKTIVA AKADEMIKA FOIN SA’E VINCENCIO ELU
Media Mudansa – Artigu ne’e ninia objetivu antes atu deskreve ninia signifikasaun, ita sei hatoo ba maluk sira kona ba fraze simples ne’ebe ninia signifikasaun sei interpreta husi lee na’in sira, no tuir buat sira ne’ebe ami hatene no komprende maka “ maske nia la konese maibe sei obriga nia atu sai maluk ne’ebe diak”.
Liu husi objetivu eskritu ne’e mak, atu lori ema ba kompreende saida mak amor no sentimental/romantiku nian, tanba ne’e desde uluk kedas too ohin loron, domin mak parte ida husi moris nian, maibe liafuan seluk katak “domin”.
Iha liafuan domin ita adapta husi lian seluk, no ita iha Timor sidauk iha fontes atu esklarese no iha termu ne’e. Maibe iha lian Português sira hanaran Amor ne’e mai husi mascolino ida ne’ebe derivado mai husi no husi verbo Amar.
Tanba moris iha nia sentidu, wainhira iha domi, no domin ne’ebe mak iha nia sentidu, wainhira halao iha nia an rasik ba existente seluk. Domin ho moris la bele haketak malu no inseparavel sempre iha maske la iha buat barak.
Iha loron ida joven oan ida ne’ebe hakarak atu husik ninia inan aman ba hela iha ho ema seluk tanba ne’e la’os ninia familia, maibe dala ruma nia sei konese diak liu joven ne’e kompara ho nia familia rasik.
Tamba ne’e, joven oan ida ne’ebe husik ninia knua ne’ebe dook ho movimentu transporte, maibe nia fatin moris sai fatin istoriku, no ema barak mak hatene no konese mak foho, tuir fiar na’in sira ninia kultura rasik.
Iha joven ne’e, ninia fatin mak sei sai husi uma hodi buka feto ne’ebe la’os ninia familia tanba ne’e sei lori feto hodi moris hamutuk ho nia atu sai parseiru henesan Na’i maromak kria Adão ho Eva hodi sai parseiru moris Adão nian.
Maibe antes ne’e afirma ona katak domin mak forsa ida ne’ebe bele halibur no hafahe hanesan iha parte haat tuir ne’e: Rai, Be, ahi no Ar, sira hamutuk hodi hetan harmonia/gerasaun/amizade.
Bainhira mane sei buka feto ida, no sei husik nia familia hodi moris hamutuk ho mane refere no sai fali familia ninian no sei hala’o kna’ar no responsabilidade iha familia foun ne’ebe nia forma no sai ona membru nian. Tamba familia husi mane nia sei oferese no sei fo kolen inan aman feto nian, ne’ebe sira hanaran kultura fetosan no umane.
Maibe sira na’in rua, la’os ema ne’ebe konese malu uluk, maibe sira na’in rua foin hasoru malu no laran monu ba malu, tanba lifuan sira ne’ebe nakfilak ba oin lima (5) maibe ninia sentidu kle’an, no luan tebes mak hanesan ita uza lifuan Tetum mak DOMIN no ita uza lian ( MALAYU ) CINTA/ Amor (portugeza) no LOVE ne’e lian (INGLEZA). Liafuan Domin ita konsidera nu’udar sentimentu hanesan Amor no gosta malu iha individu ida-idak ninia an ba ema seluk.
Ema ida sei hadomi ema seluk tanba mosu domin, ho nu’une’e konseitu hadomi importante iha relasaun ida nia laran. Domin mak sentimentu pozitivu ida ne’ebe fo husi ema ida ba ema seluk.
Ita nia identidade ne’ebe ita utiliza iha Timor-Leste no ita adapta mak hanesan sistema kazamentu, tradisaun no kultura vistuariu ne’ebe uza sai nu’udar rikusoin / bukae ida no hanesan material tradisional iha Timor-Leste nian mak hanesan tuir ne’e, kaibauk, morten, surik, tais no seluk tan ne’ebe ita sei uza iha tradisaun kazamentu no ita hala’o atividade kultural sira seluk. No kultura komunidade ita sei observa husi tradisaun moris sosiedade nia hodi hala’o no implementa iha vida moris lor-loron.
Kada iha komunidade iha Timor-Leste ninian rasik nia tradisaun no kultura ne’ebe diferente entre ida ho ida seluk. Prinsipalmente, tradisaun nu’udar parte ida husi vida sosiedade nian ne’ebe sei la lakon no sempre hatutan husi jerasaun ba jerasaun.
Kada komunidade iha mundu inklui Timor-Leste ninian rasik iha tradisaun ritual ne’ebe sai nu’udar rikusoin no idaentidade kultura husi jerasaun tuan ba jerasaun foun no sei kontinua ba jerasaun futuru oin mai.
KONKLUZAUN
Iha tradisaun kazamentu, domin ne’ebe ohin monu ba malu atu haburas di’ak liu tan dala ruma sei sai sentimentu odio nian. Tanba forsa kultura sei manan forsa sentimentu husi parte rua. Tamba ne’e, dala barak joven sira nebe hadomi malu ona bele la sai realidade hodi nu’une’e bele prejudika ba sira nia moris no dala ruma mos joven sira sei lakon esperansa atu moris maske, domin iha kbiit esforsu hodi manan, maibe kuandu sei la kumpri regra tradisional ne’ebe iha maka domin sei la iha kbi’it no forsa atu halo buat ruma.
REFERENSIAS
BUKU KENDURI LITERASI, MEMBACA ZAMAN MELALUI RAGAM ESKPRESI TULISAN
© EKO B. SISWANDOYO, DKK.
DR. AGOSTINHO DOS SANTOS GONÇALVES, L.Ec., M. M.
DR. SEBASTIÃO PAREIRA, L. Gov., M. M.
DR. AUGOSTO DA COSTA, S. S, M. Theo, M. A, M.Pd.
ILIDIO XIMENES MOREIRA, L. Ed., M. Ed.
JOÃO BATISTA DOS SANTOS, L. Ed.
